شىمكەنتتەگى «تۇركىستان» سارايىندا ۇلىستىڭ ۇلى كۇنى ناۋرىز مەرەكەسى اياسىندا «ناۋرىز گۇل كوكتەم، جىل باسى» رەسپۋبليكالىق اقىندار ايتىسى باستالدى. قالا اكىمىنىڭ قولداۋىمەن ۇيىمداستىرىلىپ وتىرعان ءدۇبىرلى دوداعا ەلىمىزدىڭ ايتۋلى 16 اقىنى قاتىسىپ وتىر.
بۇگىنگى جۇيرىكتەردىڭ ءسوز سايىسىنا شىمكەنت قالاسىنان ن.ەسەنقۇلوۆ، ق.ءبىلداش، ق.ابزالوۆ قاتىسسا، ەلىمىزدىڭ باس قالاسى نۇر-سۇلتاننان ر.حايداروۆ، ە.قاينازاروۆ، ال، الماتى قالاسىنان ش.سەزىمحان، الماتى وبلىسىنان ق.بەردىحان، قىزىلوردادان م.سۇلتانحان، قوستانايدان ا.قاليەۆ، قاراعاندىدان ت.جامانوۆ، اقتوبەدەن ا.كەرىمبەك، شىعىس قازاقستاننان ا.جەڭىسحازين، تۇركىستان وبلىسىنان ب.شويبەكوۆ، سولتۇستىك قازاقستاننان ا.شۇعاتاەۆ، باتىس قازاقستاننان ب.شيىرمەدۇلى سىندى ءبىرتۋار اقىندارىمىز كەلىپ باق سىناۋدا.
ايتىس الامانىندا قازىلار القاسىنىڭ توراعاسى- كسرو حالىق ءارتىسى، «وتان»، «قۇرمەت»، «قازاقستاننىڭ ەڭبەك ەرى» وردەندەرىنىڭ يەگەرى، قازاق رۋحانياتىنىڭ ارداگەرى ءاسانالى ءاشىموۆ بولسا، قازاقستاننىڭ حالىق اقىنى، جامبىل جاباەۆ اتىنداعى سىيلىقتىڭ جانە «پاراسات» وردەنىنىڭ يەگەرى اسەلحان قالىبەكوۆا، قر ەڭبەك سىڭىرگەن قايراتكەرى، «قۇرمەت»، «پاراسات» وردەندەرىنىڭ يەگەرى، حالىقارالىق «الاش» سىيلىعىنىڭ لاۋرەاتى، جازۋشى مارحابات بايعۇت، قازاقستان جازۋشىلار وداعىنىڭ مۇشەسى، اقىن، جۋرناليست، قر ەڭبەگى سىڭگەن قىزمەتكەرى، «الاش»، «پاراسات» وردەندەرىنىڭ يەگەرى ءحانبيبى ەسەنقاراقىزى مەن ايتىسكەر اقىندار باۋىرجان ەرگەنۇلى، ەسجانوۆا مارجان، كاريما ورالوۆا سىندى ازاماتتار قازىلىق ەتۋدە.
ەكى كۇنگە جالعاساتىن اقىندار ايتىسىنىڭ جۇلدە قورى 5 ملن تەڭگەنى قۇرايدى. ماسەلەن، باس جۇلدە يەگەرىنە -2 ملن. تەڭگە بولسا، 1 ورىن -1 ملن. تەڭگەنى قۇرايدى. ال ەكىنشى ورىن العان 2 اقىنعا -500 مىڭ تەڭگەدەن، 3 ورىن العان ەكى اقىنعا -300 مىڭ تەڭگە بەرىلەتىن بولادى.
تۇركىستان سارايىندا بارلىق سانيتارلىق نورمالار ساقتالعان. كورەرمەندەر سانى ءار كۇنى 100 ادامنان اسپايدى.
شىمكەنت قالاسى اكىمدىگىنىڭ ءباسپاسوز قىزمەتى
