قۇلاقتان كىرىپ بويدى الار
اسەم ءان مەن ءتاتتى كۇي.
كوڭىلگە ءتۇرلى وي – سالار،
ءاندى سۇيسەڭ مەنشە ءسۇي.
اباي قۇنانبايۇلى
بۇگىن ءار ساباعىن قازاقتىڭ ۇلى اقىنى اباي قۇنانبايۇلىنىڭ ولەڭىمەن باستايتىن ۇلاعاتتى ۇستاز، بىلىكتى مامان، كوپ بالالى انا، سۇيىكتى اجە، اياۋلى جار «ايگەرىم» بالاباقشاسىنىڭ ءان جەتەكشىسى - ايناكۇل مۋستاەۆا تۋرالى ايتاتىن بولامىز.
ءار ادامنىڭ بويىنا بىتكەن ەرەكشە تالانتى بولادى. سونىڭ ءبىرى - ونەر. اسەم اۋەنمەن ءان ايتۋ، تال شىبىقتاي بۇرالىپ بي-بيلەۋ نەمەسە ناقىشىنا كەلتىرىپ كۇي تارتۋ، كەز كەلگەن جانعا بۇيىرا بەرمەيدى. بار مەيىرىمىن بالالارعا ارناپ، بالاباقشا ۇجىمىندا كوپ جىلداردان بەرى ەڭبەك ەتىپ جۇرگەن ۇستاز ايناكۇل ورالقىزى ءوز ءىسىنىڭ شەبەرى.
ول ءوزىنىڭ ۇيىمداستىرۋشىلىق قابىلەتىمەن، وي- ءورىسىنىڭ جاڭاشا نەگىزدە زاماناۋي اندەردى، بيلەردى بالالارعا ۇيرەتە وتىرىپ ءار بالانىڭ جۇرەگىنە جول تابا بىلگەن پەداگوگتىڭ ءبىرى. مەرەكەلىك ءىس –شارالار مەن ەرتەڭگىلىكتەردى ۇيىمداستىرىپ، قۋىرشاق تەاترىن ساحنالاپ، بالالارعا قۋانىشتى كوڭىل- كۇي سىيلاپ، اتا –انالاردىڭ ريزاشىلىنا بولەنگەن جان.
ەڭبەك جولىندا كوپتەگەن العىس حاتتار مەن ماداقتاما ماراپاتتارعا يە بولعان. 2019 جىلى استانا قالاسىنان «ححI عاسىرداعى عىلىم جانە ءبىلىم» اتتى II حالىقارالىق بايقاۋىنىڭ جەڭىمپازى. سونىمەن قاتار، «اتا بابا ءداستۇرى - ۇرپاققا امانات. اجە –ۇلت ۇيىتقىسى» بايقاۋىنا قاتىسىپ، العىس حات العان. 2019 جىل «ورلەۋ» ماداقتاماسىمەن ماراپاتتالعان. ەڭبەك ءوتىلى 27-جىل، جوعارى ساناتتى پەداگوگ.
اقىرىن ءجۇرىپ انىق باس
ەڭبەگىڭ كەتپەس دالاعا
ۇستازدىق ەتكەن جالىقپاس
ۇيرەتۋدەن بالاعا–دەپ اباي قۇنانبايۇلى اتامىز ايتقانداي، ۇستازدىق - ول ەڭ قاجەتتى ءارى ساۋابى مول ماماندىق، ا.مۋستاەۆا سول ماماندىقتىڭ يەسى .
شىمكەنت قالاسى اكىمدىگىنىڭ ءباسپاسوز قىزمەتى
