Án jetekshisi ár sabaǵyn Abaı Qunanbaıulynyń óleńimen bastaıdy

2612

Qulaqtan kirip boıdy alar
Ásem án men tátti kúı.

Kóńilge túrli oı – salar,
Ándi súıseń menshe súı.

Abaı Qunanbaıuly

Búgin ár sabaǵyn qazaqtyń uly aqyny Abaı Qunanbaıulynyń óleńimen bastaıtyn ulaǵatty ustaz, bilikti maman, kóp balaly ana, súıikti áje, aıaýly jar «Aıgerim» balabaqshasynyń án jetekshisi - Aınakúl Mýstaeva týraly aıtatyn bolamyz.

Ár adamnyń boıyna bitken erekshe talanty bolady. Sonyń biri - óner. Ásem áýenmen án aıtý, tal shybyqtaı buralyp bı-bıleý nemese naqyshyna keltirip kúı tartý, kez kelgen janǵa buıyra bermeıdi. Bar meıirimin balalarǵa arnap, balabaqsha ujymynda kóp jyldardan beri eńbek etip júrgen ustaz Aınakúl Oralqyzy óz isiniń sheberi.

Ol óziniń uıymdastyrýshylyq qabiletimen, oı- órisiniń jańasha negizde zamanaýı ánderdi, bılerdi balalarǵa úırete otyryp ár balanyń júregine jol taba bilgen pedagogtyń biri. Merekelik is –sharalar men erteńgilikterdi uıymdastyryp, qýyrshaq teatryn sahnalap, balalarǵa qýanyshty kóńil- kúı syılap, ata –analardyń rızashylyna bólengen jan.

Eńbek jolynda kóptegen alǵys hattar men madaqtama marapattarǵa ıe bolǵan. 2019 jyly Astana qalasynan «HHI ǵasyrdaǵy ǵylym jáne bilim» atty II Halyqaralyq baıqaýynyń jeńimpazy. Sonymen qatar, «Ata baba dástúri - Urpaqqa amanat. Áje –ult uıytqysy» baıqaýyna qatysyp, alǵys hat alǵan. 2019 jyl «Órleý» madaqtamasymen marapattalǵan. Eńbek ótili 27-jyl, joǵary sanatty pedagog.

Aqyryn júrip anyq bas
Eńbegiń ketpes dalaǵa
Ustazdyq etken jalyqpas
Úıretýden balaǵa–dep Abaı Qunanbaıuly atamyz aıtqandaı, ustazdyq - ol eń qajetti ári saýaby mol mamandyq, A.Mýstaeva sol mamandyqtyń ıesi .

Shymkent qalasy ákimdiginiń baspasóz qyzmeti

Pikirler
Redakııa tańdaýy