شىمكەنت قالاسىندا قازاقستان رەسپۋبليكاسى ۇكىمەتىنىڭ جانىنداعى رەسپۋبليكالىق ونوماستيكا كوميسسياسىنىڭ قورىتىندىسى نەگىزىندە اتاۋى جوق 325 كوشەگە اتاۋ بەرىلدى.
ولاردىڭ قاتارىندا ەلىمىز ءۇشىن جوعارى ماڭىزدىلىققا يە باسىلىم اتاۋلارى مەن راديو، ادەبي شىعارمالار اتاۋلارى بار. ماسەلەن قاراتاۋ اۋدانى بوزارىق ساياجايىنداعى اتاۋى جوق كوشەلەرگە عاسىردان استام ءومىر ءسۇرىپ كەلە جاتقان رەسپۋبليكالىق «ەگەمەن قازاقستان» گازەتىنىڭ قۇرمەتىنە قويىلعان «ەگەمەن قازاقستان، سونىمەن بىرگە انا ءتىلى، قازاق راديوسى، جاس الاش، اباي جولى، قالقامان – مامىر، اق بىلەك، قامار سۇلۋ سەكىلدى كوشە اتتارى پايدا بولدى.
ودان وزگە قالامىزدىڭ تاريحىن ايشىقتايتىن، تابيعي ەرەكشەلىكتەرى مەن ولكە وزگەشەلىگىن ەسكەرىپ، تاۋ-تاس، ساي-سالا، وزەن-كولگە لايىقتى اتاۋلار دا بەرىلدى.
ەسكە سالا وتسەك، قازاقستان رەسپۋبليكاسىنىڭ تۇڭعىش پرەزيدەنتى - ەلباسى ن.نازارباەۆتىڭ 2017 جىلعى 28 اقپانداعى تاپسىرماسىنا سايكەس ەلىمىزدە يدەولوگيالىق تۇرعىدان ەسكىرگەن اتاۋلاردى تاريحي جەر-سۋ، ءداستۇرلى اتاۋلارىمەن وزگەرتۋ، ونوماستيكالىق اتاۋلارعا كىسى ەسىمدەرىن بەرۋگە مەيلىنشە شەكتەۋ قويىلعان بولاتىن.
شىمكەنت قالاسى اكىمدىگىنىڭ ءباسپاسوز قىزمەتى
➖➖➖➖➖➖➖➖➖➖➖➖➖➖➖➖
