Shymkent qalasynda Qazaqstan Respýblıkasy Úkimetiniń janyndaǵy Respýblıkalyq onomastıka komıssııasynyń qorytyndysy negizinde ataýy joq 325 kóshege ataý berildi.
Olardyń qatarynda elimiz úshin joǵary mańyzdylyqqa ıe basylym ataýlary men radıo, ádebı shyǵarmalar ataýlary bar. Máselen Qarataý aýdany Bozaryq saıajaıyndaǵy ataýy joq kóshelerge ǵasyrdan astam ómir súrip kele jatqan respýblıkalyq «Egemen Qazaqstan» gazetiniń qurmetine qoıylǵan «Egemen Qazaqstan, sonymen birge Ana tili, Qazaq radıosy, Jas alash, Abaı joly, Qalqaman – Mamyr, Aq bilek, Qamar sulý sekildi kóshe attary paıda boldy.
Odan ózge qalamyzdyń tarıhyn aıshyqtaıtyn, tabıǵı erekshelikteri men ólke ózgesheligin eskerip, taý-tas, saı-sala, ózen-kólge laıyqty ataýlar da berildi.
Eske sala ótsek, Qazaqstan Respýblıkasynyń Tuńǵysh Prezıdenti - Elbasy N.Nazarbaevtyń 2017 jylǵy 28 aqpandaǵy tapsyrmasyna sáıkes elimizde ıdeologııalyq turǵydan eskirgen ataýlardy tarıhı jer-sý, dástúrli ataýlarymen ózgertý, onomastıkalyq ataýlarǵa kisi esimderin berýge meılinshe shekteý qoıylǵan bolatyn.
Shymkent qalasy ákimdiginiń baspasóz qyzmeti
➖➖➖➖➖➖➖➖➖➖➖➖➖➖➖➖
