قالاداعى ج.شانين اتىنداعى اكادەميالىق قازاق دراما تەاترىندا ساحنالانعان قويىلىم شىمكەنت قالاسىنىڭ 2200 جىلدىعى مەن ۇلىستىڭ ۇلى كۇنى ناۋرىز مەرەكەسىنە ورايلاستىرىلعان.
دراماتۋرگ سايا قاسىمبەكتىڭ بۇل تۋىندىسى شاھاردىڭ تاريحىنان سىر شەرتەدى. ءار قالانىڭ تەرەڭنەن تارتاتىن تاريحى بولۋى زاڭدى قۇبىلىس. وڭتۇستىكتىڭ ءىنجۋ-مارجانىنا اينالعان شىمكەنتتىڭ قيلى تاريحى عاسىرلار قويناۋىنان ءسۇزىلىپ، بۇگىنگە قالاي جەتكەنىن جاس ۇرپاققا جەتكىزەتىن حيكاياتتىڭ بەرەرى مول.
قويىلىمدا "كونە قالا ماڭگىلىك بولۋ ءۇشىن ورتاسىنان وزەن اعادى" دەگەن ۇستانىمنىڭ شىندىققا اينالعانى ايشىقتالىپ، "شىمكەنتتىڭ سۇلۋ القاسىنا" اينالعان قوشقار اتا وزەنىنىڭ شىعۋ تاريحىنا جاڭاشا كوزقاراسپەن شولۋ جاسالىنعان.
سان-قيلى تاعدىردى كەشكەن تاريحىمىزدى تارقاتاتىن، تاڭعاجايىپتىعى ءوز كورەرمەنىن ءتانتى ەتكەن حيكايات شىمكەنتتىڭ 2200 جىلدىعىنا وراي قالا تاريحىنان وي تەربەپ، ۇلىستىڭ ۇلى كۇنى ناۋرىزدى كەڭىنەن ناسيحاتتايدى.
وسىلايشا تەاتردىڭ شىعارماشىلىق ۇجىمى تىرشىلىك باستاۋى بىرلىكتەن تۇراتىنىن، ىرىس پەن قۇتتىڭ بەرەكەلى ىنتىماققا جەتەلەيتىنىن، ءاز-ناۋرىزدىڭ ءمان ماعىناسىن جاسوسپىرىمدەرگە قيال-عاجايىپ وقيعالارمەن جەتكىزىپ بەردى.
ايتا كەتەيىك، قويىلىم 18-22 ناۋرىز ارالىعىندا ج.شانين اتىنداعى قالالىق اكادەميالىق قازاق دراما تەاترىندا وتەدى.
انىقتاما تەل: 77-10-43, 8 778 249 59 20
شىمكەنت قالاسى اكىمدىگىنىڭ ءباسپاسوز قىزمەتى
