Shymkentte "NAÝRYZ KÓNE ShYMQALADA" tańǵajaıyp hıkaıattyń premerasy ótti

3602
Adyrna.kz Telegram

Qaladaǵy J.Shanın atyndaǵy akademııalyq qazaq drama teatrynda sahnalanǵan qoıylym Shymkent qalasynyń 2200 jyldyǵy men Ulystyń Uly kúni Naýryz merekesine oraılastyrylǵan.

Dramatýrg Saıa Qasymbektiń bul týyndysy shahardyń tarıhynan syr shertedi. Ár qalanyń tereńnen tartatyn tarıhy bolýy zańdy qubylys. Ońtústiktiń injý-marjanyna aınalǵan Shymkenttiń qıly tarıhy ǵasyrlar qoınaýynan súzilip, búginge qalaı jetkenin jas urpaqqa jetkizetin hıkaıattyń bereri mol.

Qoıylymda "Kóne qala máńgilik bolý úshin ortasynan ózen aǵady" degen ustanymnyń shyndyqqa aınalǵany aıshyqtalyp, "Shymkenttiń sulý alqasyna" aınalǵan Qoshqar Ata ózeniniń shyǵý tarıhyna jańasha kózqaraspen sholý jasalynǵan.

San-qıly taǵdyrdy keshken tarıhymyzdy tarqatatyn, tańǵajaıyptyǵy óz kórermenin tánti etken hıkaıat Shymkenttiń 2200 jyldyǵyna oraı qala tarıhynan oı terbep, Ulystyń Uly kúni Naýryzdy keńinen nasıhattaıdy.

Osylaısha teatrdyń shyǵarmashylyq ujymy tirshilik bastaýy birlikten turatynyn, yrys pen quttyń berekeli yntymaqqa jeteleıtinin, áz-Naýryzdyń mán maǵynasyn jasóspirimderge qııal-ǵajaıyp oqıǵalarmen jetkizip berdi.

Aıta keteıik, qoıylym 18-22 naýryz aralyǵynda J.Shanın atyndaǵy qalalyq akademııalyq qazaq drama teatrynda ótedi.
Anyqtama tel: 77-10-43, 8 778 249 59 20

Shymkent qalasy ákimdiginiń baspasóz qyzmeti

 

 

Pikirler