العى شەپتە جۇرگەن دارىگەرلەردىڭ ءبىرى - جاننا ابيلداەۆا

2052

جاننا ابيلداەۆا - جەدەل جاردەم قىزمەتىندەگى بىلىكتى مامانداردىڭ ءبىرى. مەديتسينا مامانى العاشقى مەديتسينالىق كومەك كورسەتۋدىڭ دەڭگەيىن كوتەرۋ، الدىن الۋ جۇمىستارىمەن الەۋمەتتىك ماڭىزدى شارالاردى اتقارۋدا.

2020 جىلى ەلىمىزدە كەلگەن COVID – 19 دەرتىنە قارسى كۇرەس شەڭبەرىندە ناۋقاستارعا كومەكتەسۋدە اق حالاتتى ابزال جان رەتىندە ەڭبەگى سىڭگەن. العى شەپتە ءجۇرىپ جەدەل جاردەم قىزمەتىنىڭ ساپاسىن ارتتىرۋدا قوسقان ۇلەسى مول.

جاننا قىستاۋبايقىزى ەڭبەك جولىن جەدەل مەديتسينالىق جاردەم كورسەتۋ ستانتسياسىنىڭ جەلىلىك بريگادا دارىگەرى رەتىندە 1996 جىلى باستاعان. 2006 جىلدان باستاپ وپەراتيۆتى ءبولىمنىڭ اعا دارىگەرى بولىپ قىزمەت ەتىپ كەلەدى.

جۇمىس بارىسىندا بىلىكتى مامان، قابىلەتتى قىزمەتكەر ەكەندىگىن كورسەتىپ، جاس ماماندارعا ۇلگى بولىپ ءجۇر.

«شاقىرتۋلارعا بارعان كەزدە ءارتۇرلى ناۋقاستاردى كەزدەستىرەمىن. ءاربىرى بىزگە ءۇمىت ارتىپ قارايدى. قۇتقارۋشىسى رەتىندە كورەدى. وسىنداي سەنىمدى ارقالاۋ ۇلكەن جاۋاپكەرشىلىكتى تالاپ ەتەدى. كوروناۆيرۋس كەڭ تارالعان شاقتا دا وتباسىمىزدى ءبىرشاما ۋاقىت كورمەگەن كەزدەر بولدى. مۇنى ءتۇسىندىردىڭ ءبىر عانا سەبەبى بار. ول - ماماندىعىما دەگەن قۇرمەت پەن ماحاببات» -دەيدى دارىگەر.

شىمكەنت قالاسى اكىمدىگىنىڭ ءباسپاسوز قىزمەتى

 

 

پىكىرلەر
رەداكتسيا تاڭداۋى