شىمكەنتكە كوشىپ كەلگەن قانداستار قالالىق جۇمىسپەن قامتۋ جانە الەۋمەتتىك قورعاۋ باسقارماسىنا قاراستى «قانداستاردى بەيىمدەۋ جانە ىقپالداستىرۋ ورتالىعىندا» التى اي بويى تۇرادى. وسى ۋاقىت ارالىعىندا ورتالىقتا قانداستاردىڭ ەلگە بەيىمدەلۋى ءۇشىن بىرنەشە قىزمەت تۇرلەرى كورسەتىلەدى.
مۇندا اتا جۇرتىن اڭساپ كەلگەن اعايىنعا الدىمەن قازاقى سالت-داستۇرلەرىمىز بەن ۇلتتىق قۇندىلىقتارىمىز ناسيحاتتالادى. قىزمەتكەرلەر ءتۇپ-تامىرىمىزدى تانۋعا مۇمكىندىك بەرەتىن ءتۇرلى ادەت-عۇرىپتاردى دارىپتەپ، ءتۇرلى ۇلتتىق اس ءمازىرىن، قازاقى تۇرمىس-تىرشىلىكتى دارىپتەيدى. بۇل ولاردىڭ ەلگە تەز بەيىمدەلىپ كەتۋىنە وڭ اسەر ەتىپ، باعا جەتپەس قۇندىلىقتارىمىزدى باعامداۋعا مۇمكىندىك بەرەدى.
ال پسيحولوگتار ءتۇرلى ترەنينگتەر ۇيىمداستىرىپ، ارقايسىسىمەن جەكە جۇمىس جۇرگىزەدى. سونداي-اق، زاڭگەرلەر قانداستارعا قۇقىقتىق تۇرعىدان كومەك كورسەتىپ، نەگىزگى زاڭنامالاردى تۇسىندىرەدى. ونىمەن قوسا قانداستاردى ءتۇرلى ماماندىقتار بويىنشا قىسقا مەرزىمدى وقىتۋ كۋرستارىنا باۋلىپ، جۇمىسقا ورنالاسۋىنا دا ىقپال ەتەدى.
ايتا كەتەيىك، بۇگىنگى تاڭدا ورتالىقتا 12 وتباسى تۇرىپ جاتىر. جىل باسىنان بەرى قالاعا كوشىپ كەلگەن 300-دەن استام مۇشەسى بار 227 وتباسىنا قانداس مارتەبەسى بەرىلدى.
شىمكەنت قالاسى اكىمدىگىنىڭ ءباسپاسوز قىزمەتى
