رەسمي اشىلۋ سالتاناتىنا قاتىسقان قالا اكىمى مۇرات ايتەنوۆ ورتالىقتا قالاعا كەلگەن شەتەلدىك قوناقتارعا كورىكتى جەرلەر، مادەني شارالار مەن قوناق ۇيلەر تۋرالى «ءبىر تەرەزە» قاعيداتى بويىنشا مالىمەت بەرۋ قىزمەتىمەن تانىستى.
–ورتالىقتىڭ باستى مىندەتى تۋريستىك مەكەمەلەردىڭ باسىن بىرىكتىرىپ، تۋريستەرگە جوعارى دارەجەدە سەرۆيستىك قىزمەت كورسەتۋگە ىقپال ەتۋ. قالاعا كەلگەن قوناقتار كەلەسى جىلى تاعى كەلۋ ءۇشىن ۇسىنىلاتىن قىزمەت تۇرلەرىن ارمەن قاراي دامىتۋ قاجەت،-دەدى قالا اكىمى.
تۋريستىك اقپاراتتىق ورتالىق تاۋلىگىنە 200-250 تۋريست قابىلداۋعا قاۋقارلى. ورتالىقتا تاۋلىك بويى «Call-centre» جۇمىس ىستەيدى. قالا تۇرعىندارى مەن قوناقتارىنا مەگاپوليستىڭ تۋريستىك الەۋەتى تۋرالى كاسىبي كەڭەس بەرىلىپ، قۇقىقتىق جانە ۆيزالىق كومەك كورسەتىلەتىن بولادى. قالاعا كەلۋشى قوناقتار ءۇشىن قىدىرۋ تۋرلارى ۇسىنىلىپ، الدىن الا برونداۋ قىزمەتى بەرىلمەك.
Shymkent Tourism Center تۋريستىك اقپاراتتىق ورتالىعىنىڭ باسشىسى ايدارالى رامانوۆ تۋريستەرگە ءموبيلدى بايلانىس وپەراتورىنىڭ SIM-كارتاسىن بەيىمدەۋدە كومەك كورسەتۋ قىزمەتىنىڭ دە اتقارىلاتىنىن اتاپ ءوتتى. قازىر قالامىزدا اقپاراتتىق-تۋريستىك دۇڭگىرشەكتەر اشۋ ماسەلەسى قاراستىرىلۋدا.
–قازىردىڭ وزىندە visit-shymkent.kz رەسمي سايتى ءۇش تىلدە جۇمىس ىستەيدى. سايتتا قالامىزدىڭ تانىمال كورنەكى ورىندارى، ۇلتتىق ءمازىر دايىندايتىن مەيرامحانالارى جانە اقپاراتتار تىزبەگى جاريالانادى. اقپاراتتىق ورتالىقتا كەڭەس بەرۋ، كادەسىي، سويلەسۋ، ءتۇرلى شارالار وتكىزۋدىڭ ينتەراكتيۆتى ايماقتارى قامتاماسىز ەتىلگەن، - دەدى ورتالىق باسشىسى.
تۋريستىك-اقپاراتتىق ورتالىعىنا اشىلعاننان باستاپ 522 قوڭىراۋ كەلىپ تۇسكەن. قازىرگى تاڭدا 700-گە جۋىق تۋريستكە قىزمەت كورسەتىلگەن، ونىڭ ىشىندە 65-ءى شەت ەلدىڭ ازاماتى.
ورتالىقتىڭ بايلانىس تەلەفوندارى: +7701 102 1717. +7702 109 17 17
شىمكەنت قالاسى اكىمدىگىنىڭ ءباسپاسوز قىزمەتى
