Resmı ashylý saltanatyna qatysqan qala ákimi Murat Áıtenov ortalyqta qalaǵa kelgen sheteldik qonaqtarǵa kórikti jerler, mádenı sharalar men qonaq úıler týraly «bir tereze» qaǵıdaty boıynsha málimet berý qyzmetimen tanysty.
–Ortalyqtyń basty mindeti týrıstik mekemelerdiń basyn biriktirip, týrısterge joǵary dárejede servıstik qyzmet kórsetýge yqpal etý. Qalaǵa kelgen qonaqtar kelesi jyly taǵy kelý úshin usynylatyn qyzmet túrlerin ármen qaraı damytý qajet,-dedi qala ákimi.
Týrıstik aqparattyq ortalyq táýligine 200-250 týrıst qabyldaýǵa qaýqarly. Ortalyqta táýlik boıy «Call-centre» jumys isteıdi. Qala turǵyndary men qonaqtaryna megapolıstiń týrıstik áleýeti týraly kásibı keńes berilip, quqyqtyq jáne vızalyq kómek kórsetiletin bolady. Qalaǵa kelýshi qonaqtar úshin qydyrý týrlary usynylyp, aldyn ala brondaý qyzmeti berilmek.
Shymkent Tourism Center týrıstik aqparattyq ortalyǵynyń basshysy Aıdaraly Ramanov týrısterge mobıldi baılanys operatorynyń SIM-kartasyn beıimdeýde kómek kórsetý qyzmetiniń de atqarylatynyn atap ótti. Qazir qalamyzda aqparattyq-týrıstik dúńgirshekter ashý máselesi qarastyrylýda.
–Qazirdiń ózinde visit-shymkent.kz resmı saıty úsh tilde jumys isteıdi. Saıtta qalamyzdyń tanymal kórneki oryndary, ulttyq mázir daıyndaıtyn meıramhanalary jáne aqparattar tizbegi jarııalanady. Aqparattyq ortalyqta keńes berý, kádesyı, sóılesý, túrli sharalar ótkizýdiń ınteraktıvti aımaqtary qamtamasyz etilgen, - dedi ortalyq basshysy.
Týrıstik-aqparattyq ortalyǵyna ashylǵannan bastap 522 qońyraý kelip túsken. Qazirgi tańda 700-ge jýyq týrıstke qyzmet kórsetilgen, onyń ishinde 65-i shet eldiń azamaty.
Ortalyqtyń baılanys telefondary: +7701 102 1717. +7702 109 17 17
Shymkent qalasy ákimdiginiń baspasóz qyzmeti
