شىمكەنت قالاسىنىڭ اكىمى مۇرات ايتەنوۆ كارانتين شارالارىن ەسكەرە وتىرىپ، قالا تۇرعىندارىنىڭ جەكە سۇراقتارى بويىنشا ونلاين قابىلداۋ وتكىزدى.
قاشىقتىقتان وتكەن قابىلداۋدا شاھار تۇرعىندارى تۇرعىن ءۇي، كوممۋنالدىق سالا مەن الەۋمەتتىك تولەم الۋ ماسەلەسىن كوتەردى. ونعا تارتا قالا تۇرعىنىنىڭ وتىنىشتەرىن تىڭداعان مۇرات ايتەنوۆ ايتىلعان ماسەلەلەر قولدانىستاعى زاڭ اياسىندا قارالىپ، وسىنىڭ نەگىزىندە كومەك كورسەتىلەتىنىن العا تارتتى.
اتاپ ايتقاندا ەڭبەكشى اۋدانىنىڭ تۇرعىنى ر.دوسىباەۆا جەر تەلىمىنىڭ قىزىل سىزىقتا ەكەنىن ايتىپ، كومەك كورسەتۋىن سۇرادى. قالا اكىمى اتالعان ماسەلەنى شەشۋ ماقساتىندا ءتيىستى سالا باسشىسىنا ەگجەي-تەگجەيلى قاراپ، زاڭ بويىنشا شەشىم شىعارىلۋىن تاپسىردى. ودان وزگە ءال-فارابي اۋدانىنىڭ تۇرعىنى م.وڭالباەۆا ءوزىنىڭ 1932 جىلى تۋعان اناسىنا باسپانا بەرۋىن ءوتىندى. ازاماتشانىڭ تۇرعىن ۇيگە مۇقتاج ازاماتتار تىزىمىندە كوپبالالى وتباسى رەتىندە وسى جىلى تۇرعانى بەلگىلى بولدى. قازىرگى تاڭدا «تۇرعىن ءۇي قاتىناستارى تۋرالى» زاڭىنا سايكەس مەملەكەتتىك تۇرعىن ءۇي قورىنان تۇرعىن ءۇي بەلگىلەنگەن تارتىپپەن كەزەك ارقىلى بەرىلەتىنى جەتكىزىلدى.
بۇدان بولەك، شاھار باسشىسى مەملەكەت تاراپىنان بەرىلىپ جاتقان الەۋمەتتىك كومەكتەردى الۋ ءتارتىبى مەن باسپانا كەزەگىنە تۇرۋ شارتتارىمەن تانىستىردى. «ءاربىر ماسەلە مەنىڭ ءجىتى باقىلاۋىمدا بولادى» دەپ ءسوزىن قورىتىندىلادى.
سونىمەن قاتار، الداعى مەرەكە كۇندەرى تۇرعىندارعا قاۋىپسىزدىك شارالارىن ساقتاپ، كارانتين ەرەجەلەرىن قاتاڭ ۇستانۋ قاجەتتىگىن ايتتى.
شىمكەنت قالاسى اكىمدىگىنىڭ ءباسپاسوز قىزمەتى
