ەلدىڭ اگروونەركاسىپ كەشەنىن دامىتۋعا باسا كوڭىل ءبولىنىپ وتىر. بۇل جونىندە بۇگىن قر پرەمەر-ءمينيسترى ا.ءماميننىڭ توراعالىعىمەن وتكەن جيىندا تالقىلاندى.
شىمكەنت قالاسىندا اگروونەركاسىپ كەشەنىن دامىتۋ ماقساتىندا 2021-2025 جىلدار ارالىعىندا 31 794 ملن تەڭگەنى قۇرايتىن 33 جوبانى جۇزەگە اسىرۋ كوزدەلۋدە.
اتالعان جوبالار ىشىندە وندىرىستىك جىلىجاي كەشەندەرى - 10 جوبا، قارقىندى باۋ - 4 جوبا، قايتا وڭدەۋ سالاسى - 4 جوبا، مال بورداقىلاۋ الاڭدارىن قۇرۋ - 3 جوبا، تاۋارلى ءسۇت فەرمالارىنىڭ ءونىمىن ارتتىرۋ ماقساتىندا 4 جوبا، جۇمىرتقا ءوندىرىسى جانە بالىق شارۋاشىلىعىندا 8 جوبا جوسپارلانىپ وتىر.
بۇل جوبالار ىسكە اسقان جاعدايدا جاڭادان 830 جۇمىس ورنى اشىلاتىن بولادى. سونىمەن بىرگە قالاداعى كوكونىس ءوندىرۋ كولەمى - 35 مىڭ تونناعا، قارقىندى باۋ الاڭى - 441 گەكتارعا، قايتا وڭدەۋ سالاسى-27,4 مىڭ تونناعا ۇلعايادى.
بۇدان بولەك وندىرىلەتىن ەتتىڭ كولەمى - 5,4 مىڭ تونناعا، ءسۇتتىڭ كولەمى – 8 مىڭ تونناعا، جۇمىرتقا ءوندىرىسى - 15 ملن داناعا جانە برويلەر قۇس ەتى - 500 تونناعا دەيىن ۇلعايىپ، قالادا وندىرىلەتىن بالىق ءونىمى - 100 توننانى قۇرايتىن بولادى.
شىمكەنت قالاسى اكىمدىگىنىڭ ءباسپاسوز قىزمەتى
