Eldiń agroónerkásip keshenin damytýǵa basa kóńil bólinip otyr. Bul jóninde búgin QR Premer-Mınıstri A.Mamınniń tóraǵalyǵymen ótken jıynda talqylandy.
Shymkent qalasynda agroónerkásip keshenin damytý maqsatynda 2021-2025 jyldar aralyǵynda 31 794 mln teńgeni quraıtyn 33 jobany júzege asyrý kózdelýde.
Atalǵan jobalar ishinde óndiristik jylyjaı keshenderi - 10 joba, qarqyndy baý - 4 joba, qaıta óńdeý salasy - 4 joba, mal bordaqylaý alańdaryn qurý - 3 joba, taýarly sút fermalarynyń ónimin arttyrý maqsatynda 4 joba, jumyrtqa óndirisi jáne balyq sharýashylyǵynda 8 joba josparlanyp otyr.
Bul jobalar iske asqan jaǵdaıda jańadan 830 jumys orny ashylatyn bolady. Sonymen birge qaladaǵy kókónis óndirý kólemi - 35 myń tonnaǵa, qarqyndy baý alańy - 441 gektarǵa, qaıta óńdeý salasy-27,4 myń tonnaǵa ulǵaıady.
Budan bólek óndiriletin ettiń kólemi - 5,4 myń tonnaǵa, súttiń kólemi – 8 myń tonnaǵa, jumyrtqa óndirisi - 15 mln danaǵa jáne broıler qus eti - 500 tonnaǵa deıin ulǵaıyp, qalada óndiriletin balyq ónimi - 100 tonnany quraıtyn bolady.
Shymkent qalasy ákimdiginiń baspasóz qyzmeti
