الماتىدا الاياقتىقپەن اينالىسقان جۇپ ۇستالدى، دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ.
كورسەتىلگەن زاڭسىز ارەكەتتەر 1991 جىلى تۋعان ك.ەسىمدى ازاماتقا جانە ونىڭ 28 جاستاعى قۇربىسىنا قاتىستى. ەكەۋى دە جامبىل وبلىسىنىڭ تۋمالارى. كۇدىكتىلەر الداۋ جانە سەنىمگە قيانات جاساۋ ارقىلى بوتەننىڭ اقشاسىن ءىرى كولەمدە زاڭسىز يەمدەنىپ العانى انىقتالدى.
– قىلمىس جاساۋ ءۇشىن ۇستالعاندار ينتەرنەت-رەسۋرستاردىڭ بىرىندە كەلەسى مازمۇنداعى جارنامانى ورنالاستىردى. “نەسيە الۋعا كومەكتەسەمىن”. پوتەنتسيالدى جابىرلەنۋشى حابارلاسقان كەزدە، قاسكويلەر ونى ەكىنشى دەڭگەيلى بانكتەردىڭ بىرىندە شوت اشۋ قاجەتتىلىگىنە سەندىرىپ، “Beeline” ابونەنتىنىڭ ۇيالى تەلەفونىنىڭ ءنومىرىن كورسەتىپ، بۇل كارتا كورسەتىلگەن نومىرگە بايلانعان بولۋى كەرەك دەپ سەندىردى. سودان كەيىن ولار ازاماتتاردى نەسيە الۋ ءۇشىن العاشقى تولەمنىڭ قاجەتتىلىگى تۋرالى سەندىردى. وسى ارالىقتا الاياقتار الىنعان سومانى ءموبيلدى بانكينگ ارقىلى باسقا كارتاعا اۋدارىپ، قولما-قول اقشاعا اينالدىردى، – دەدى الماتى قالالىق پد كريمينالدىق پوليتسيا باسقارماسىنىڭ باستىعى ەركىن ىڭكاروۆ.
قاسكويلەر الماتى وبلىسىنىڭ اۋىلدارىنىڭ بىرىندە ۇستالدى. قازىرگى ۋاقىتتا وسى جۇپتىڭ قىلمىستىق ارەكەتتەرىنەن زارداپ شەككەن ەلىمىزدىڭ ءار ايماقتارىنان 12 جابىرلەنۋشى انىقتالدى.
كۇدىكتىلەر ۋاقىتشا ۇستاۋ يزولياتورىنا قامالدى. سوتقا دەيىنگى تەرگەۋ قر قك-ءنىڭ 190-بابى بويىنشا جۇرگىزىلۋدە.
«ادىرنا» ۇلتتىق پورتالى
