Almatyda alaiaqtyqpen ainalysqan jūp ūstaldy, dep habarlaidy «Adyrna» tılşısı Polisia.kz-ke sılteme jasap.
Körsetılgen zaŋsyz äreketter 1991 jyly tuǧan K.esımdı azamatqa jäne onyŋ 28 jastaǧy qūrbysyna qatysty. Ekeuı de Jambyl oblysynyŋ tumalary. Küdıktıler aldau jäne senımge qiianat jasau arqyly bötennıŋ aqşasyn ırı kölemde zaŋsyz iemdenıp alǧany anyqtaldy.
– Qylmys jasau üşın ūstalǧandar internet-resurstardyŋ bırınde kelesı mazmūndaǧy jarnamany ornalastyrdy. “Nesie aluǧa kömektesemın”. Potensialdy jäbırlenuşı habarlasqan kezde, qasköiler ony ekınşı deŋgeilı bankterdıŋ bırınde şot aşu qajettılıgıne sendırıp, “Beeline” abonentınıŋ ūialy telefonynyŋ nömırın körsetıp, būl karta körsetılgen nömırge bailanǧan boluy kerek dep sendırdı. Sodan keiın olar azamattardy nesie alu üşın alǧaşqy tölemnıŋ qajettılıgı turaly sendırdı. Osy aralyqta alaiaqtar alynǧan somany mobildı banking arqyly basqa kartaǧa audaryp, qolma-qol aqşaǧa ainaldyrdy, – dedı Almaty qalalyq PD Kriminaldyq polisiia basqarmasynyŋ bastyǧy Erkın Iŋkärov.Qasköiler Almaty oblysynyŋ auyldarynyŋ bırınde ūstaldy. Qazırgı uaqytta osy jūptyŋ qylmystyq äreketterınen zardap şekken elımızdıŋ är aimaqtarynan 12 jäbırlenuşı anyqtaldy. Küdıktıler uaqytşa ūstau izoliatoryna qamaldy. Sotqa deiıngı tergeu QR QK-nıŋ 190-baby boiynşa jürgızılude.
«Adyrna» ūlttyq portaly
