الەۋمەتتىك جەلىلەردە ۋ ءىشىپ قويعان اكەسىن جەدەل-جاردەم كولىگىنە قار ۇستىندە سۇيرەپ اپارا جاتقان بال مەن فەلدشەردىڭ سۋرەتى تاراپ كەتتى. جول تازالانباعانى انىق كورىنىپ تۇر. سول سەبەپتى، جەدەل-جاردەم كولىگى ناۋقاستىڭ ۇيىنە دەيىن جەتە الماي، جولدان كۇتكەن. قوستاناي وبلىسىندا ورىن العان بۇل وقيعانىڭ انىق ءمان-جايىن ءوڭىردىڭ دەنساۋلىق ساقتاۋ باسقارماسى باياندادى، دەپ حابارلايدى "ادىرنا" ۇلتتىق پورتالى.⠀
ناۋقاستىڭ ۋ ءىشىپ قويعاندىعى كەيىن انىقتالدى. فوتوسۋرەتتەگى كىشكەنتاي بالا جۇرتتىڭ جۇرەگىن ەلجىرەتتى.
⠀
ۆەدومستۆوداعىلار سۋرەت 11 ناۋرىزدا تۇسىرىلگەنىن حابارلادى.
"راسىمەن، فوتو 11 ناۋرىزدا ارقالىق اۋدانى رودينا اۋلىندا تۇسىرىلگەن. جەدەل جاردەم بريگاداسى ۇيگە جەتە الماي، جاعدايدى باعالاپ، ناۋقاستى ۇيىنەن كولىككە دەيىن 200 مەتر تاسىمالداعان. ناۋقاس سۋ ىشەمىن دەپ شاتاسىپ، ۋلى زات ءىشىپ قويعان. ول ارقالىق اۋدانىنا جەتكىزىلدى. ەر ادام اۋرۋحاناعا تۇسكەندە جاعدايى اۋىر بولدى. ءبىر تاۋلىك بويى جانساقتاۋ بولىمىندە جاتتى. قازىر جاعدايى جاقسارىپ، تەراپيا بولىمىنە اۋىستى. قازىر ومىرىنە قاۋىپ ءتونىپ تۇرعان جوق", - دەدى ۆەدومستۆو ءباسپاسوز قىزمەتىندەگىلەر.
