Áleýmettik jelilerde ý iship qoıǵan ákesin jedel-járdem kóligine qar ústinde súırep apara jatqan bal men feldsherdiń sýreti tarap ketti. Jol tazalanbaǵany anyq kórinip tur. Sol sebepti, jedel-járdem kóligi naýqastyń úıine deıin jete almaı, joldan kútken. Qostanaı oblysynda oryn alǵan bul oqıǵanyń anyq mán-jaıyn óńirdiń densaýlyq saqtaý basqarmasy baıandady, dep habarlaıdy "Adyrna" ulttyq portaly.⠀
Naýqastyń ý iship qoıǵandyǵy keıin anyqtaldy. Fotosýrettegi kishkentaı bala jurttyń júregin eljiretti.
⠀
Vedomstvodaǵylar sýret 11 naýryzda túsirilgenin habarlady.
"Rasymen, foto 11 naýryzda Arqalyq aýdany Rodına aýlynda túsirilgen. Jedel járdem brıgadasy úıge jete almaı, jaǵdaıdy baǵalap, naýqasty úıinen kólikke deıin 200 metr tasymaldaǵan. Naýqas sý ishemin dep shatasyp, ýly zat iship qoıǵan. Ol Arqalyq aýdanyna jetkizildi. Er adam aýrýhanaǵa túskende jaǵdaıy aýyr boldy. Bir táýlik boıy jansaqtaý bóliminde jatty. Qazir jaǵdaıy jaqsaryp, terapııa bólimine aýysty. Qazir ómirine qaýip tónip turǵan joq", - dedi vedomstvo baspasóz qyzmetindegiler.
