قازاقستان رەسپۋبليكاسى پارلامەنتى ءماجىلىسىنىڭ ەكونوميكالىق رەفورما جانە وڭىرلىك دامۋ كوميتەتىنىڭ مۇشەسى سىرىم ەرتاەۆ ماحامبەتۇلىمەن ساۋدا-ەكونوميكالىق ىنتىماقتاستىق جايىندا، سونداي-اق شاعىن جانە ورتا بيزنەستى دامىتۋ جوبالارى جونىندە «ادىرنا» ۇلتتىق پورتالىنىڭ ءتىلشىسى سۇحباتتاسقان بولاتىن.
- وزبەكستانمەن شەكارالاس اۋماقتاردا ساۋدا-ەكونوميكالىق ىنتىماقتاستىق ورتالىعىن اشۋ تۋرالى كوزقاراس، پىكىرىڭىز قانداي؟
- كوزقاراس وڭ، بۇل جوبا "نۇر وتان" پارتياسىنىڭ جول كارتاسىندا ازىرلەنگەن. مەملەكەتپەن تىكەلەي وسى جوبا بويىنشا جۇمىستار اتقارىلىپ جاتىر. ەكى ەل اراسىنداعى قارىم- قاتىناس وتە جاقسى ەكەنىنە ەل كۋا. اۋىل شارۋاشىلىق تاۋار ونىمدەرىنىڭ كوبى وزبەكستاننان كەلىپ جاتىر. سوندىقتان، ساۋدا-ەكونوميكالىق ىنتىماقتاستىق ورتالىعىن اشۋ ەكى جاققا دا ءتيىمدى بولارى ءسوزسىز. بۇل قازىرگى تاڭدا وتە وزەكتى ماسەلەلەردىڭ ءبىرى بوپ تالقىلانىپ جاتىر.
بۇگىن ءوز ينستاگرام پاراقشاڭىزعا ءوندىرىس باعدارلاماسىنا بولىنەتىن قارجىنىڭ ارتۋى تۋرالى مالىمدەمە جاسادىڭىز.
- شاعىن جانە ورتا بيزنەستى دامىتۋعا ناقتى قانداي جوبا جوسپارلارىڭىز بار؟
- ءبىزدىڭ ەلدىڭ ءوندىرىستى دامىتۋ فوندى ءبىر كاسىپكەرگە ون جىلعا 6%-بەن 1,8 ميلليارد تەڭگە وندىرىسكە عانا بەرەتىن. ءاربىر كاسىپكەرگە تالاپ قويادى.
مىسالى، ءبىر كاسىپورىن ءسۇت فابريكاسىن اشار بولسا:
1. وعان ارنايى جابدىقتاردىڭ بارلىعىن شەتەلدەن الدىرتۋ قاجەت
2. تالاپتارى مىندەتتى تۇردە سانيتارلىق نورماعا سايكەس بولۋى كەرەك
3. لابوراتورياسى بولۋى كەرەك
سول ايتىلعان تالاپتاردىڭ بارلىعى 100 % ورىندالعان جاعدايدا عانا كاسىپورىندارعا بولىنگەن 1,8 ميلليارد تەڭگەنى الا الادى.
الايدا، كاسىپكەرلەرگە بۇل بولىنەتىن 1,8 ميلليارد تەڭگە وتە از. سوندىقتان ءبىز بۇل قاراجاتتى 5 ميلليارد تەڭگەگە دەيىن كوتەرۋدى ۇسىندىق. ءار كاسىپورىن مىندەتتەلگەن تالاپتاردى ورىنداي وتىرا، ءوز بيزنەسىن دامىتۋعا ءارى قاراي مۇمكىندىك الادى. باستىسى، شىعىنعا باتىپ جۇرمەي، ارنايى بولىنگەن قاراجاتپەن العا جىلجىماق. وندىرگەن ونىمدەردى ەكسپورتتايتىن بولادى.
ياعني، بارلىق كاسىپورىنداردىڭ ونىمدەرىن شەتەلگە شىعارۋ ءۇشىن ونىڭ 40-50 % مولشەرلەمەلى شىعىندارى قايتارىلادى.
1.جولاقى شىعىنى
2.جارناما شىعىنى
ءبىز قازىرگى تاڭدا وسىنداي ءوندىرىس باعدارلامالارىن كەڭەيتۋىمىز قاجەت. ءبىز قولداۋ كورسەتۋىمىز قاجەت. شاعىن جانە ورتا بيزنەس وكىلدەرىنە مۇمكىندىك بەرىپ، بۇل ەل ەكونوميكاسىنا ۇلكەن قارقىن قوسادى.
- قازاقستاندا جۇمىسسىز جۇرگەن جاستار وتە كوپ. بۇل شەشىمىڭىز كوپكە جۇمىس ۇسىنعالى تۇر. الىپ-قوسارىڭىز بار ما؟
- ءيا، جوبا جۇزەگە اسىپ، ۇسىنىس ماقۇلدانسا قانشاما ادام جۇمىسپەن قامتىلماق. تاجىريبە جيناقتايدى.
تاعى ايتا كەتەتىن جايت، مەملەكەت وتە جاقسى قولداۋ كورسەتۋدە. بىزدە ارنايى سالاعا ساي تەحنولوگ ماماندار تاپشى بولعاندىقتان، شەتەلدەن الدىرتامىز. 50 پايىز جالاقىلارىن مەملەكەت تولەپ بەرىپ جاتىر. بۇل بىزگە ۇلكەن كومەك.
"ادىرنا" ۇلتتىق پورتالى
