قۇرمەتتى جاماعات! ناۋرىز مەيرامىندا «پرەزيدەنت كوجەسى» ءىس-شاراسىن وتكىزۋ جانە حالىقارالىق «ناۋرىز مەيرامىن» ۇلىقتاۋ ءۇشىن ءبىر اي بويى ۇلتتىق كيىم كيۋ، ۇلتتىق سپورت ويىن ساۋىق وتكىزۋ ءۇردىسىن داستۇرگە اينالدىرايىق!
ادامنىڭ ۇلتتىق ساناسىن، ادامگەرشىلىك اسىل قاسيەتتەرىن قالىپتاستىراتىن كۇش ونىڭ تىلىندە، ونەر-مادەنيەتىندە، سالت-داستۇرىندە جانە ۇلتتىق تاعامدارىندا جاسىرىلعان. ۇلتتىق گەنەتيكالىق كودتىڭ كىلتى بولىپ تابىلاتىن بۇل ءتورت ولشەم – ەلدىڭ ەكونوميكالىق وركەنيەتتىلىگى، مەملەكەتتىڭ قۇزرەتتىلىگى، ۇلتتىق جانە ۇلتارالىق مۇددەنىڭ تەمىر قازىعى بولىپ تابىلادى...
كوشپەندىلەر وركەنيەتىندەگى ءبۇتىن ادامزات قوعامىنا ورتاق قۇندىلىقتاردىڭ ءبىرى
«ناۋرىز مەيرامى» 2010 جىلدىڭ 10 مامىرىنان باستاپ بىرىككەن ۇلتتار ۇيىمىنىڭ باس اسسامبلەياسىنىڭ 64 قارارىنا سايكەس، 21 ناۋرىز «حالىقارالىق ناۋرىز» كۇنى بولىپ اتالىپ كەلەدى. بۇعان «Kult.fora» رۋحاني-ادامگەرشىلىك جانە مادەني قۇندىلىقتار» قۇ مۇرىندىق بودى. بۇل الەم حالىقتارى نازارىن اۋدارعان بىرەگەي قۇندىلىق بولىپ تانىلدى. سەبەبى، تاياۋ جىلداردا جاڭا جىل مەيرامى تاريحي اتاۋىمەن ۋاقىت مەجەسىنە قايتا ورالاۋ ىقتيمالدىعى ارتىپ كەلە جاتقانىن الەم ەلدەرى سەزىنىپ وتىر. ناۋرىز مەيرامىنىڭ ءمانىن اشىپ ماعىناسىن كەلتىرەتىن ماڭىزدى ءىس – «ناۋرىز كوجە» جاساۋ ءۇردىسى. بۇل ۇلىستىڭ ۇلى كۇنىنىڭ ماڭىزدى اسى، ناۋرىز مەيرامىنىڭ ايشىقتى بەلگىسى.
قازىرگى تويلاناتىن جاڭا جىل مەيرامىندا الەم ەلدەرىندە «پرەزيدەنت شىرشاسىن» وتكىزەتىن جاقسى ءۇردىس بارىن بىلەمىز. ال قازاق ەلى ءبىرىنشى بولىپ وسى ءۇردىستى ناۋرىز مەيرامىندا «پرەزيدەنت كوجەسى» ءىس-شاراسىمەن وتكىزسە، وندا ءبىز جىل باسى، كوكتەم مەرەكەسى، تابيعاتتىڭ قايتا تۇلەپ، قايتا جاڭعىرۋ مەجەسىن الەم ەلدەرى
«جىل باسى مەيرامى» دەپ تانۋىنا سەبەپشى بولار ەدىك. بۇل كەزى كەلىپ، زامانى جەتكەن تاريحي قۇبىلىس، تابيعات زاڭدىلىقتارىمەن ءمىنسىز ۇيلەسكەن سونى ءۇردىس جانە كوشپەندىلەر وركەنيەتىنىڭ ماڭگىلىك وتىرىقتى مادەنيەتى!
قۇرمەتتى وتانداستار! بىز جىل باسى، كوكتەم مەرەكەسى ناۋرىز مەيرامىندا «پرەزيدەنت كوجەسى» ءىس-شاراسىن وتكىزۋ; جانە ناۋرىز مەيرامىن ۇلىقتاۋ ءۇشىن ءبىر اي بويى، ۇلتتىق ناقىشتى كيىم كيۋ، ۇلتتىق ويىن ساۋىق،
سپورت تۇرلەرىنەن مادەني ءىس-شارالار وتكىزىپ تۇرۋدى داستۇرگە اينالدىرايىق! بارلىق قازاقستاندىقتاردى بىزگە قوسىلۋعا شاقىرامىز!
سانسىزباي ونەرحان،
«Kult.fora» رۋحاني-ادامگەرشىلىك جانە مادەني قۇندىلىقتار» قۇ توراعاسى،
«كز ەكو ماركا» تابيعي تاعام-تابيعي ەمدەۋ يننوۆاتسيالىق جوبا جەتەكشىسى.
