Qurmetti jamaǵat! Naýryz meıramynda «Prezıdent kójesi» is-sharasyn ótkizý jáne halyqaralyq «Naýryz meıramyn» ulyqtaý úshin bir aı boıy ulttyq kıim kııý, ulttyq sport oıyn saýyq ótkizý úrdisin dástúrge aınaldyraıyq!
Adamnyń ulttyq sanasyn, adamgershilik asyl qasıetterin qalyptastyratyn kúsh onyń tilinde, óner-mádenıetinde, salt-dástúrinde jáne ulttyq taǵamdarynda jasyrylǵan. Ulttyq genetıkalyq kodtyń kilti bolyp tabylatyn bul tórt ólshem – eldiń ekonomıkalyq órkenıettiligi, memlekettiń quzrettiligi, ulttyq jáne ultaralyq múddeniń temir qazyǵy bolyp tabylady...
Kóshpendiler órkenıetindegi bútin adamzat qoǵamyna ortaq qundylyqtardyń biri
«Naýryz meıramy» 2010 jyldyń 10 mamyrynan bastap Birikken Ulttar Uıymynyń Bas Assambleıasynyń 64 qararyna sáıkes, 21 naýryz «Halyqaralyq Naýryz» kúni bolyp atalyp keledi. Buǵan «Kult.fora» Rýhanı-adamgershilik jáne mádenı qundylyqtar» QU muryndyq body. Bul álem halyqtary nazaryn aýdarǵan biregeı qundylyq bolyp tanyldy. Sebebi, taıaý jyldarda jańa jyl meıramy tarıhı ataýymen ýaqyt mejesine qaıta oralaý yqtımaldyǵy artyp kele jatqanyn álem elderi sezinip otyr. Naýryz meıramynyń mánin ashyp maǵynasyn keltiretin mańyzdy is – «Naýryz kóje» jasaý úrdisi. Bul ulystyń uly kúniniń mańyzdy asy, naýryz meıramynyń aıshyqty belgisi.
Qazirgi toılanatyn jańa jyl meıramynda álem elderinde «Prezıdent shyrshasyn» ótkizetin jaqsy úrdis baryn bilemiz. Al qazaq eli birinshi bolyp osy úrdisti naýryz meıramynda «Prezıdent kójesi» is-sharasymen ótkizse, onda biz jyl basy, kóktem merekesi, tabıǵattyń qaıta túlep, qaıta jańǵyrý mejesin álem elderi
«Jyl basy meıramy» dep tanýyna sebepshi bolar edik. Bul kezi kelip, zamany jetken tarıhı qubylys, tabıǵat zańdylyqtarymen minsiz úılesken sony úrdis jáne kóshpendiler órkenıetiniń máńgilik otyryqty mádenıeti!
Qurmetti otandastar! Biz jyl basy, kóktem merekesi naýryz meıramynda «Prezıdent kójesi» is-sharasyn ótkizý; jáne naýryz meıramyn ulyqtaý úshin bir aı boıy, ulttyq naqyshty kıim kııý, ulttyq oıyn saýyq,
sport túrlerinen mádenı is-sharalar ótkizip turýdy dástúrge aınaldyraıyq! Barlyq qazaqstandyqtardy bizge qosylýǵa shaqyramyz!
Sansyzbaı ÓNERHAN,
«Kult.fora» Rýhanı-adamgershilik jáne mádenı qundylyqtar» QU tóraǵasy,
«Kz eko marka» Tabıǵı taǵam-tabıǵı emdeý ınnovaııalyq joba jetekshisi.
