قازاقستاندىق بويجەتكەن قىتايدىڭ ۇزدىك ستۋدەنتى اتاندى. بۇل تۋرالى بويجەتكەن ءوز Instagram پاراقشاسىندا جازدى، دەپ حابارلايدى “ادىرنا” ۇلتتىق پورتالى.
جاننۇر نيازبەكوۆا – قىزىلوردا قالاسىنىڭ قىزى. 3 اي بۇرىن اسپان استى ەلى قىتايدىڭ پرەزيدەنتتىك ستيپەنديا يەگەرى اتانعان.
«قىتايدىڭ ەڭ ۇزدىك ستۋدەنتى» دارەجەسىن الۋ قىتاي ستۋدەنتتەرىنىڭ وزىنە دە سيرەك بۇيىراتىن دۇنيە. ول ۇلكەن ەڭبەكتى قاجەت ەتەدى. قىتايعا العاش كەلگەنىمدە پاكىستاندىق جىگىتتىڭ وسى دارەجەنى العانىن كورىپ، قازاق ستۋدەنتتەرىنەن ەشكىم الماعانىن ەستىپ، «جۇلدە، كۇت مەنى» دەگەن ەدىم. ايتقانىمداي بيىلعى جۇلدە ماعان بۇيىرىپتى»، - دەپ جازدى جاننۇر نيازبەكوۆا.
ءوزىنىڭ بايانداۋىنشا، وسىدان 3 اي بۇرىن قىتايدىڭ ۇزدىك ستۋدەنتى» جۇلدەسىنە قۇجات قابىلداۋ باستالعان.
“چەن دەگەن مۇعالىمىمىز جاننۇر سەن دە تاپسىر، باعىڭدى سىنا، جەڭەسىڭ، وزىڭە سەن دەپ ماعان قۇجات تاپسىرتتى. ءبىزدىڭ ۋنيۆەرسيتەتتەن بارلىعى جەتى ستۋدەنت تاپسىردىق، ىشىنەن مەن جانە بانگلادەشتىك ستۋدەنت ەكەۋمىزدى بەيجىڭدەگى وقۋ ءبولىمى تاڭداپ الىپتى. راقمەت ساعان تۋعان جەرىم، راقمەت ساعان تۋعان ەلىم، راقمەت ساعان قازاق ەلىم”،- دەيدى ج. نيازبەكوۆا.
