Qazaqstandyq boıjetken Qytaıdyń úzdik stýdenti atandy. Bul týraly boıjetken óz Instagram paraqshasynda jazdy, dep habarlaıdy “Adyrna” ulttyq portaly.
Jannur Nııazbekova – Qyzylorda qalasynyń qyzy. 3 aı buryn aspan asty eli Qytaıdyń Prezıdenttik stıpendııa ıegeri atanǵan.
«Qytaıdyń eń úzdik stýdenti» dárejesin alý Qytaı stýdentteriniń ózine de sırek buıyratyn dúnıe. Ol úlken eńbekti qajet etedi. Qytaıǵa alǵash kelgenimde pákistandyq jigittiń osy dárejeni alǵanyn kórip, qazaq stýdentterinen eshkim almaǵanyn estip, «Júlde, kút meni» degen edim. Aıtqanymdaı bıylǵy júlde maǵan buıyrypty», - dep jazdy Jannur Nııazbekova.
Óziniń baıandaýynsha, osydan 3 aı buryn Qytaıdyń úzdik stýdenti» júldesine qujat qabyldaý bastalǵan.
“Chen degen muǵalimimiz Jannur sen de tapsyr, baǵyńdy syna, jeńesiń, ózińe sen dep maǵan qujat tapsyrtty. Bizdiń ýnıversıtetten barlyǵy jeti stýdent tapsyrdyq, ishinen men jáne bangladeshtik stýdent ekeýmizdi Beıjińdegi oqý bólimi tańdap alypty. Raqmet saǵan týǵan jerim, raqmet saǵan týǵan elim, raqmet saǵan Qazaq elim”,- deıdi J. Nııazbekova.
