بايقوڭىرلىق باس دارىگەردىڭ ارەكەتىنە جۇرت نارازى (ۆيدەو)

5138

قىزىلوردا وبلىسىنا قاراستى بايقوڭىر، تورەتام، اقاي حالقى «ادىرنا» ۇلتتىق پورتالىنا ارنايى حابارلاسىپ، وزدەرىنە قاراستى دەنساۋلىق ساقتاۋ سالاسىنا بايلانىستى جانايقايىن جەتكىزدى.  بايقوڭىرلىق  جۇرتشىلىق قالالىق اۋرۋحانانىڭ قىزمەت كورسەتۋ ساپاسىنا قاپالى. سونىمەن قاتار وسى ءوڭىردىڭ دەنساۋلىق ساقتاۋ سالا ماماندارىنىڭ سوراقى ارەكەتتەرى دە حالىقتى ابدەن قاجىتىپتى. تومەندە بايقوڭىرلىق ازاماتتاردىڭ شاعىم حاتىن نازارلارىڭىزعا ۇسىنىپ وتىرمىز.  

قىزىلوردا وبلىسىنىڭ اكىمى

گۇلشارا ابدىحالىقوۆا حانىمعا،

مەملەكەتتىك قىزمەت ىستەرى جانە سىبايلاس

جەمقورلىققا قارسى ءىس-قيمىل اگەنتتىگىنىڭ

 توراعاسى اليك شپەكباەۆ  مىرزاعا،

قر دەنساۋلىق ساقتاۋ ءمينيسترى

الەكسەي تسوي مىرزاعا

اشىق حات

 سىزگە ارنايى باق  ارقىلى جاريالاپ وتىرعان وسى اشىق جۇرەكجاردى حات-ءوتىنىشىمنىڭ نەگىزگى سەبەبى، ەكولوگياسى ناشار، رادياتسيالىق ايماققا جاتاتىن بايقونىر، تورەتام، اقاي حالقىنىڭ دەنساۋلىعىنا بايلانىستى،كوڭىلىمە قاياۋ سالعان مىنا اششى جانايقاي. دالىرەك ايتسام، ول مەن تۇراتىن بايقوڭىر قالالىق اۋرۋحانانىڭ جاعدايىن وتە مۇشكىل حالگە جەتكiزگەن باس دارiگەر ءادiلحان جاندوستىڭ وكتەمشىل-سوراقى ارەكەتى. ەكولوگيالىق كەساپاتتان اۋرۋ-ناۋقاس بولعان ءوڭىر تۇرعىندارىن باس دارىگەردىڭ تاكاپپارلىق، ياعني مەملەكەتتىك قىزمەتتىك ەتيكاعا جات، جيىركەنىشتى تىرلىگى مەن كەلەڭسىز وقيعالارى ابدەن شارشاتتى.

مىسالى، ەل اۋزىندا ءادىلحان جولداستىڭ قاراپايىم مەدبيكەنى جۇمىسقا الۋى 700000 تەڭگە بولسا،ودان دارەجەسى جوعارى قىزمەت قۇنى 1 ميليوننان استام سومانى قۇرايدى دەگەن سوزدەر حالىق اراسىندا جەلدەي ەسىپ تۇر.

ودان قالسا مەملەكەت بيۋدجەتىنەن قارجىلاندىراتىن اۋرۋحانانىڭ  جىلىتۋ جۇيەسىنە جۇمىسشىلار مەن كۇزەتكە قاراۋىلداردى دا شتاتتان تىس جۇمىسقا قابىلداپ جاتىر، سىبايلاستىق نەگىزدە ءوزىنىڭ ايتقانىنان شىقپايتىن قىزمەتشىلەردىڭ جەكە بانك كارتالارىنا كەلىسىم بويىنشا مولشەردەن تىس ارتىق اقشا جىبەرەدى دەگەن دە سىبىس بار.وكىنىشكە قاراي جەڭ ۇشىنان جالعاسقان جەمقورلىق ەلىمىزدىڭ ءار سالاسىندا اسقىنىپ تۇرعان كەزدە مەملەكەتتىڭ،ياعني حالىقتىڭ اقشاسىن وڭدى-سولدى شىعىنداۋعا قانشالىقتى قاجەتتىلىك بار؟؟؟

بىراق تۋىسى، اتاپ ايتساق تۋعان بالدىزى فايزۋللاەۆ نۇرلان ءابدىباتتالۇلى اۋرۋحانانىڭ باس ەكونوميست ەكەنىن ەسكەرسەك مەملەكەت قارجىسىن باس دارىگەر مەن بالدىزى قالاي قاتتى ۇنەمدەيتىنىنە انىق كوز جەتكىزۋگە بولادى...

باسسىزدىق پەن جەمقورلىققا جول بەرگەن مەملەكەتتىك اۋرۋحانا باس دارىگەردىڭ جەكە مەنشiگi مە ؟ الدە زاڭدى بەلشەسىنەن باسقان،ياعني ەشكىمدى پىسقىرمايتىن  شەنەۋنىكتىڭ ارتىندا،ءوزى سياقتى دوكەي-كوكەسى تۇر ما دەگەن ەرىكسىز وي ءبارىمىزدى ويلاندىرادى.

وعان دالەل ءادىلحان جاندوستان ءوز قۇلاعىممەن ەستىگەن (ايتىلعان ءسوز،اتىلعان وق) مىنا سوزدەر ەدى: «مەن ماقانوۆ تۇرعانباي دەگەن بەدەلدى اعاما قوماقتى قاراجات بەرىپ وبلىس اكىمىنە كىرگىزدىم،سول ءۇشىن ماعان ەشكىم تيىسە المايدى جانە ءتىسى باتپايدى».

مەنىڭشە بۇل ءسوز ازعانا ۋاقىتتا قىزىلوردا شاھارىندا حالىق جۇرەگىنەن سەنىمدى جول تاپقان  گۇلشارا ناۋشاقىزىنا قارسى مورال مەن ەتيكاعا جات، كوپە-كورىنەۋ جالا دەپ ويلايمىن. وسى ماڭىزدى ماسەلەگە وراي مەن وبلىستىڭ دەنساۋلىق ساقتاۋ باسقارماسىنا دا ارىزدانعام.سول كەزدە ءسىز باسقارما باسشىسى س.پازىلوۆقا تىكەلەي تاپسىرما بەرگەنىڭىزدى ەستىگەندە قالا تۇرعىندارى ،شىنىمەن دە ادىلدىك بار ەكەن دەپ قۋانعاندى. وكىنىشكە وراي،قۋانىشىمىز سۋ سەپكەندەي باسىلدى،24 اقپاندا وتكەن وبلىس كوللەگياسىندا اتالمىش ماڭىزدى ماسەلە ،كەيبىر شەنەۋنىكتەردىڭ سابوتاجىنىڭ ارقاسىندا جابۋلى قازاننىڭ كۇيىندە قالدى.

اۋرۋحاناداعى كوللەكتيۆ قىزمەتكەرلەرىنىڭ مورالدىق پسيحولوگيالىق احۋالى مەن جەمقورلىق سىن كوتەرمەيتiن جاعدايدىڭ شارىقتاۋ شەگىنە جەتكەنى سونشالىق ،كەرەك بولسا باس دارiگەر ءادىلحان جاندوستى جۇمىسىنان شەتتەتۋ ءوز الدىنا،اتالعان حالىق اۋزىنداعى فاكتىلەر ءۇشىن (حالىق ايتسا،قالپ ايتپايدى)

قىلمىستىق جازاعا دا تارتۋعا بولار ەدى.تاعى ءبىر سوراقىلىق تاكاپپار-مەنمەنشىل باس دارىگەردىڭ مەدبيكە،جاس ماماندار مەن دارىگەرلەردىڭ ءادىلحان جولداسقا كريتيكالىق باعىتتا ارتىق اۋىز قارسى ءسوز ايتسا، جۇمىستان شىعارام دەپ جەكە باستارىنا ءارتۇرلى فورماداعى قورقىتۋ مەن قوقان-لوقى ،جيىركەنىشتى تىرلىگى ءتىپتى شىعۋ بولىپ سانالادى.

سوندىقتان سىزدەن تەك ءوزىمنىڭ اۋرۋ بالام ەمەس، حالىقتىڭ مۇڭ-مۇقتاجى مەن جانايقايىن دا نازارعا الۋىڭىزدى ءوتىنىپ سۇرايمىن!

مەن اۋرۋ-ناۋقاس ۇلىما بايلانىستى،قوسىمشا قۇجات-دالەلدەرىمدى "ادىرنا" ۇلتتىق پورتالىنىڭ رەداكتسيا قورجىنىنا ارنايى جىبەردىم.

فوتو كورنەكىلىك ءۇشىن اشىق دەرەككوزدەن الىندى.

قۇرمەتپەن ارىز يەسى:

گاليفا داربۋزوۆا.

 

بۇل حاتتا ايتىلعان ماسەلەگە

قاتىستى قۇجاتتار قوسىمشا تىركەلگەن.

">

 

">

 

پىكىرلەر
رەداكتسيا تاڭداۋى