Qyzylorda oblysyna qarasty Baıqońyr, Tóretam, Aqaı halqy «Adyrna» ulttyq portalyna arnaıy habarlasyp, ózderine qarasty densaýlyq saqtaý salasyna baılanysty janaıqaıyn jetkizdi. Baıqońyrlyq jurtshylyq qalalyq aýrýhananyń qyzmet kórsetý sapasyna qapaly. Sonymen qatar osy óńirdiń densaýlyq saqtaý sala mamandarynyń soraqy áreketteri de halyqty ábden qajytypty. Tómende baıqońyrlyq azamattardyń shaǵym hatyn nazarlaryńyzǵa usynyp otyrmyz.
Qyzylorda oblysynyń ákimi
Gúlshara ÁBDIHALYQOVA hanymǵa,
Memlekettik qyzmet isteri jáne sybaılas
jemqorlyqqa qarsy is-qımyl agenttiginiń
tóraǵasy Alık ShPEKBAEV myrzaǵa,
QR Densaýlyq saqtaý mınıstri
Alekseı OI myrzaǵa
Ashyq hat
Sizge arnaıy BAQ arqyly jarııalap otyrǵan osy ashyq júrekjardy hat-ótinishimniń negizgi sebebi, ekologııasy nashar, radıaııalyq aımaqqa jatatyn Baıqonyr, Tóretam, Aqaı halqynyń densaýlyǵyna baılanysty,kóńilime qaıaý salǵan myna ay janaıqaı. Dálirek aıtsam, ol men turatyn Baıqońyr qalalyq aýrýhananyń jaǵdaıyn óte múshkil hálge jetkizgen bas dáriger Ádilhan Jandostyń óktemshil-soraqy áreketi. Ekologııalyq kesapattan aýrý-naýqas bolǵan óńir turǵyndaryn bas dárigerdiń tákapparlyq, ıaǵnı memlekettik qyzmettik etıkaǵa jat, jıirkenishti tirligi men keleńsiz oqıǵalary ábden sharshatty.
Mysaly, el aýzynda Ádilhan Joldastyń qarapaıym medbıkeni jumysqa alýy 700000 teńge bolsa,odan dárejesi joǵary qyzmet quny 1 mılıonnan astam somany quraıdy degen sózder halyq arasynda jeldeı esip tur.
Odan qalsa memleket bıýdjetinen qarjylandyratyn aýrýhananyń jylytý júıesine jumysshylar men kúzetke qaraýyldardy da shtattan tys jumysqa qabyldap jatyr, sybaılastyq negizde óziniń aıtqanynan shyqpaıtyn qyzmetshilerdiń jeke bank kartalaryna kelisim boıynsha mólsherden tys artyq aqsha jiberedi degen de sybys bar.Ókinishke qaraı jeń ushynan jalǵasqan jemqorlyq elimizdiń ár salasynda asqynyp turǵan kezde memlekettiń,ıaǵnı halyqtyń aqshasyn ońdy-soldy shyǵyndaýǵa qanshalyqty qajettilik bar???
Biraq týysy, atap aıtsaq týǵan baldyzy Faızýllaev Nurlan Ábdibattaluly aýrýhananyń bas ekonomıst ekenin eskersek memleket qarjysyn bas dáriger men baldyzy qalaı qatty únemdeıtinine anyq kóz jetkizýge bolady...
Bassyzdyq pen jemqorlyqqa jol bergen memlekettik aýrýhana bas dárigerdiń jeke menshigi me ? álde zańdy belshesinen basqan,ıaǵnı eshkimdi pysqyrmaıtyn sheneýniktiń artynda,ózi sııaqty dókeı-kókesi tur ma degen eriksiz oı bárimizdi oılandyrady.
Oǵan dálel Ádilhan Jandostan óz qulaǵymmen estigen (aıtylǵan sóz,atylǵan oq) myna sózder edi: «Men Maqanov Turǵanbaı degen bedeldi aǵama qomaqty qarajat berip oblys ákimine kirgizdim,sol úshin maǵan eshkim tıise almaıdy jáne tisi batpaıdy».
Menińshe bul sóz azǵana ýaqytta Qyzylorda shaharynda halyq júreginen senimdi jol tapqan Gúlshara Naýshaqyzyna qarsy moral men etıkaǵa jat, kópe-kórineý jala dep oılaımyn. Osy mańyzdy máselege oraı men oblystyń densaýlyq saqtaý basqarmasyna da aryzdanǵam.Sol kezde siz basqarma basshysy S.Pazylovqa tikeleı tapsyrma bergenińizdi estigende qala turǵyndary ,shynymen de ádildik bar eken dep qýanǵandy. Ókinishke oraı,qýanyshymyz sý sepkendeı basyldy,24 aqpanda ótken oblys kollegııasynda atalmysh mańyzdy másele ,keıbir sheneýnikterdiń sabotajynyń arqasynda jabýly qazannyń kúıinde qaldy.
Aýrýhanadaǵy kollektıv qyzmetkerleriniń moraldyq psıhologııalyq ahýaly men jemqorlyq syn kótermeıtin jaǵdaıdyń sharyqtaý shegine jetkeni sonshalyq ,kerek bolsa bas dáriger Ádilhan Jandosty jumysynan shettetý óz aldyna,atalǵan halyq aýzyndaǵy faktiler úshin (halyq aıtsa,qalp aıtpaıdy)
qylmystyq jazaǵa da tartýǵa bolar edi.Taǵy bir soraqylyq tákappar-menmenshil bas dárigerdiń medbıke,jas mamandar men dárigerlerdiń Ádilhan Joldasqa krıtıkalyq baǵytta artyq aýyz qarsy sóz aıtsa, jumystan shyǵaram dep jeke bastaryna ártúrli formadaǵy qorqytý men qoqan-loqy ,jıirkenishti tirligi tipti shyǵý bolyp sanalady.
Sondyqtan sizden tek ózimniń aýrý balam emes, halyqtyń muń-muqtajy men janaıqaıyn da nazarǵa alýyńyzdy ótinip suraımyn!
Men aýrý-naýqas ulyma baılanysty,qosymsha qujat-dálelderimdi "ADYRNA" ulttyq portalynyń redakııa qorjynyna arnaıy jiberdim.
Foto kórnekilik úshin ashyq derekkózden alyndy.
Qurmetpen aryz ıesi:
Galıfa DARBÝZOVA.
Bul hatta aıtylǵan máselege
qatysty qujattar qosymsha tirkelgen.
