ميانمادا بيلىكتى باسىپ العان اسكەريلەرگە قارسى شەرۋلەر قاقتىعىسقا ۇلاسۋدا. سارسەنبى كۇنگى شەرۋلەردى كۇشپەن تارقاتۋ بارىسىندا 38 ادام قازا تاپتى. بۇل تۋرالى ميانما بويىنشا بۇۇ-نىڭ ارنايى وكىلى كريستين شرانەر-بۋرگەنەر حابارلادى. ول "3-ناۋرىز ميانما ءۇشىن قاندى سارسەنبىگە اينالدى" دەپ مالىمدەدى.
جالپى وسى ۋاقىتقا دەيىن بيلىكتى باسىپ العان اسكەريلەرگە قارسى شەرۋلەر بارىسىندا 50 ادام قازا تاپقان.
1-اقپاندا ميانما "اسكەريلەرى سايلاۋ ناتيجەلەرىن بۇرمالادى" دەگەن جەلەۋمەن بيلىكتى باسىپ الىپ، مەملەكەتتىك كەڭەسشى اۋن سان سۋ ءچجيدى، ەل باسشىلارىن تۇتقىنداعان بولاتىن. اسكەري كومەندانت مين اۋنگ حلاينگ ەلدە توتەنشە جاعداي جاريالاپ، جاڭا سايلاۋ وتكىزگەنشە توتەنشە جاعدايدىڭ ساقتالاتىن مالىمدەدى.
ميانماداعى تولقۋلار ءبىر ايدان استام ۋاقىت بويى جالعاسىپ كەلەدى. اسكەريلەر حالىققا قارۋ قولدانۋ فاكتىلەرى دە جيىلەۋدە.
تۇتقىنعا الىنعان اۋن سۋ چجي روحيندجا مۇسىلماندارىنا گەونتسيد جاسادى دەپ ايىپتالعان تۇلعا. ميانماعا اتالمىش وقيعاعا بايلانىستى 4 جىل بويى سانكتسيالار سالىنىپ كەلەدى.
اسحات قاسەنعالي،
«ادىرنا» ۇلتتىق پورتالى
