ددۇ باسشىسى گازا سەكتورىنداعى ادامداردىڭ جاعدايى تۋرالى مالىمدەدى، دەپ حابارلايدى "ادىرنا" ءتىلشىسى Euronews-كە سىلتەمە جاساپ.
ددۇ باس ديرەكتورى تەدروس گەبرەيەسۋس بۇۇ قاۋىپسىزدىك كەڭەسىندە گازاداعى ادامداردىڭ ءومىرى مەن دەنساۋلىعىنا قاۋىپ ءتونىپ جاتقانىن، ءار ون مينۋت سايىن بالا ءولىمى بولاتىنىن ايتتى.
دۇنيەجۇزىلىك ۇيىمنىڭ مالىمەتىنشە، ايماقتىڭ 36 اۋرۋحاناسىنىڭ جارتىسى جانە العاشقى مەديتسينالىق كومەك پۋنكتتەرىنىڭ ۇشتەن ەكىسى جۇمىس ىستەمەيدى. ال قالعان اۋرۋحانالار ءوز مۇمكىندىكتەرىنەن تىس جۇمىس ىستەپ جاتىر.
"مەن كەڭەسكە جانارماي، ازىق-تۇلىك جانە سۋ تاپشىلىعى تۋرالى حابارلاۋعا دايىنمىن. بىراق، شىنىمدى ايتسام، قازىر ءبىزدى جارالىلار مەن ناۋقاستاردىڭ ومىرىنە تونگەن قاۋىپ الاڭداتۋدا", — دەدى پالەستينانىڭ "قىزىل جارتى اي" قوزعالىسىنىڭ باسشىسى.
