مۇرات ايتەنوۆ شىمكەنت قالاسىن دامىتۋدىڭ 5 ورتاق ماقساتىن اتاپ ءوتتى

1704
Adyrna.kz Telegram

بۇگىن شىمكەنت قالاسىنىڭ اكىمى مۇرات ايتەنوۆ ەسەپتى كەزدەسۋىندە قالا تۇرعىندارىنىڭ الدىندا تۇرعان بەس ورتاق ماقسات جونىندە باياندادى.

اتاپ ايتقاندا ادامي كاپيتالدى ءوسىرۋ، ينفراقۇرىلىمدى دامىتۋ، كاسىپكەرلىكتى قولداۋ، باسپانالى بولۋ، حالىققا قولايلى قالا قۇرۋ.

مۇرات ايتەنوۆ: «شىمكەنت قالاسىنىڭ تۇرعىندارى جۇمىلۋعا ءتيىس باستى ماقسات – ادامي كاپيتالدى ءوسىرۋ. ادامي كاپيتالدىڭ ماڭىزىن پاندەميا تاعى ءبىر رەت كورسەتىپ بەردى. ساپالى ءبىلىم مەن دەنساۋلىق سالاسى، سالاۋاتتى ءومىر سالتى، مادەني-رۋحاني دامۋ – وسىلاردىڭ ءبارى مىنە ادامي كاپيتالدىڭ باستى ولشەمى» - دەدى.

شىمكەنت قالاسىنىڭ ارتىقشىلىعى رەتىندە تۇرعىندار سانىنىڭ قارقىندى ءوسىپ كەلە جاتقانىن ايتتى. وسى ارتىقشىلىقتى ۇلكەن مۇمكىندىككە اينالدىرۋ ءۇشىن 5 ورتاق ماقساتتى جۇزەگە اسىرۋ اسا ماڭىزدى ەكەنىن جەتكىزدى.

فوتو: بەرەكە سەيىتجاپپار

شىمكەنت قالاسى اكىمدىگىنىڭ ءباسپاسوز قىزمەتى

 

 

 

 

 

پىكىرلەر