Búgin Shymkent qalasynyń ákimi Murat Áıtenov esepti kezdesýinde qala turǵyndarynyń aldynda turǵan bes ortaq maqsat jóninde baıandady.
Atap aıtqanda adamı kapıtaldy ósirý, ınfraqurylymdy damytý, kásipkerlikti qoldaý, baspanaly bolý, halyqqa qolaıly qala qurý.
Murat Áıtenov: «Shymkent qalasynyń turǵyndary jumylýǵa tıis basty maqsat – adamı kapıtaldy ósirý. Adamı kapıtaldyń mańyzyn pandemııa taǵy bir ret kórsetip berdi. Sapaly bilim men densaýlyq salasy, salaýatty ómir salty, mádenı-rýhanı damý – osylardyń bári mine adamı kapıtaldyń basty ólshemi» - dedi.
Shymkent qalasynyń artyqshylyǵy retinde turǵyndar sanynyń qarqyndy ósip kele jatqanyn aıtty. Osy artyqshylyqty úlken múmkindikke aınaldyrý úshin 5 ortaq maqsatty júzege asyrý asa mańyzdy ekenin jetkizdi.
Foto: Bereke SEIITJAPPAR
Shymkent qalasy ákimdiginiń baspasóz qyzmeti
