بەردىبەك ساپارباەۆ 5 بالانىڭ ولىمىنە قاتىستى پىكىر ءبىلدىردى

3612
Adyrna.kz Telegram

جامبىل وبلىسىنىڭ اكىمى بەردىبەك ساپارباەۆ سارىسۋ اۋدانىنا قاراستى جاڭاتاس قالاسىندا ورىن العان بەس بالانىڭ ولىمىنە قاتىستى جازبا جاريالادى، دەپ حابارلايدى “ادىرنا” ۇلتتىق پورتالى. 

قايعىلى وقيعا تۋرالى اكىم Instagram جانە Facebook الەۋمەتتىك جەلىسىندە جازدى. مارقۇمداردىڭ جاقىندارىنا كوڭىل ايتتى.

ايماق باسشىسى ب. ساپارباەۆ ماسەلەنى جەكە باقىلاۋىنا الىپ، ءمان-جايدى انىقتايتىندىعىن تىلگە تيەك ەتتى.

«بۇگىن بۇكىل ەلدى ەسەڭگىرەتكەن قايعىلى وقيعا بولدى. جاڭاتاستاعى ۇيلەردىڭ بىرىنەن ءورت شىعىپ، بەس بىردەي بەيكۇنا بالا اجال قۇشتى. وقيعانىڭ ءمان-جايىن انىقتاۋ ءۇشىن وبلىس اكىمىنىڭ ورىنباسارى ۇلان جازىلبەكتىڭ توراعالىعىمەن ارنايى كوميسسيا قۇرىلدى. وقيعا ورنىنا وبلىس پروكۋرورى ن.ءابدىروۆ، پوليتسيا دەپارتامەنتىنىڭ باسشىسى ج. سۇلەيمەنوۆ، تجد باسشىسى ە. مومباەۆ اتتاندى. قارا جامىلعان وتباسىعا قاجەتتى پسيحولوگيالىق، ماتەريالدىق كومەك كورسەتىلۋدە. ماسەلە مەنىڭ جەكە باقىلاۋىمدا. كوز جۇمعان بالالاردىڭ جاقىندارىنا اللا تاعالا سابىر بەرسىن. قايعىلارىنا ورتاقتاسىپ كوڭىل ايتامىن!»، – دەلىنگەن اكىمنىڭ جازباسىندا.

پىكىرلەر