جىل باسىنان بەرى ەلىمىزدە ءورت پەن ءيىس ءتيىپ ۋلانۋدان 14 بالا كوز جۇمدى، ال 3 بالا سۋعا كەتتى. وقىس وقيعا سالدارىنان قاپيادا قازا تاپقانداردىڭ دەنى - بالالار. ءتىلسىز جاۋدىڭ قاتەرى جايلى توتەنشە جاعدايلار مينيسترلىگى ورتكە قارسى قىزمەت كوميتەتىنىڭ توراعاسى نۇربولات دەربىسوۆ حابارلادى، دەپ جازدى "ادىرنا" ۇلتتىق پورتالى.
توتەنشە جاعدايلار مينيسترلىگى ورتكە قارسى قىزمەت كوميتەتىنىڭ توراعاسى نۇربولات دەربىسوۆ كەيىنگى بەس جىلدا ء"تىلسىز تاجالدان" قازا تاپقانداردىڭ كورسەتكىشىنە توقتالدى.
«كەيىنگى بەس جىلدا ەل اۋماعىندا ءورت، ءيىس ءتيىپ ۋلانۋدان جانە سۋعا كەتۋ سالدارىنان 776 بالا قايتىس بولدى. تەك 2022 جىلى ورتتەن ءارى ءيىس تيۋدەن 38 بالا كوز جۇمىپ، 77 بالا سۋعا باتىپ كەتتى»، - دەدى ن. دەربىسوۆ ماجىلىستە مەكتەپكە دەيىنگى جانە ورتا ءبىلىم بەرۋ ۇيىمدارىنداعى قاۋىپسىزدىك جۇيەلەرى تاقىرىبىنا ارنالعان دوڭگەلەك ۇستەل وتىرىسىندا.
ونىڭ ايتۋىنشا، بيىل ءورت پەن ءيىس ءتيىپ ۋلانۋدان 14 بالا كوز جۇمدى، ال 3 بالا سۋعا كەتتى.
«كوپ جاعدايدا مەكتەپكە دەيىنگى جانە باستاۋىش سىنىپتاردا وقيتىن بالالار ءورتتىڭ قاۋىپتى فاكتورلارىنان مەرت بولىپ جاتىر»، - دەدى كوميتەت باسشىسى.
بۇدان بۇرىن حابارلانعانداي، جىل باسىنان بەرى ءورت قاۋىپسىزدىگىنە قاتىستى 5 مىڭنان استام ءبىلىم بەرۋ نىسانى تەكسەرىلدى.
"ادىرنا" ۇلتتىق پورتالى
