رەسمي كيەۆ بىرنەشە كۇننەن بەرى ۋكراينا-گرۋزيا-مولداۆيا اراسىندا اسكەري اليانس قۇرۋ جونىندە ماسەلەنى تالقىلاپ جاتىر. بۇل ەڭ الدىمەن اتالعان ءۇش ەلدىڭ قاۋىپسىزدىگى ءۇشىن كەرەك بولىپ وتىرعانعا ۇقسايدى.
اقيقاتىن ايتۋ كەرەك، اقش بيلىگىنە بايدەن كەلگەننەن كەيىن ۋكراينا-گرۋزيا-مولداۆيا اراسىندا اسكەري ۇشتىك وداق (ۋگم) قۇرۋ ماسەلەسى قايتادان كۇن تارتىبىنە شىقتى. ويتكەنى بايدەن ۋكرايناعا جان-جاقتى كومەك بەرۋ قاجەتتىگىن، رەسمي كيەۆتى ەندى قايتادان قولداۋ باستالاتىنىن ايتتى.
–مەن اقش-تىڭ مەملەكەتتىك حاتشىسى توني بلينكەنمەن اڭگىمە بارىسىندا قارا تەڭىز جانە ورتالىق ەۋروپا ايماعىندا قاۋىپسىزدىك ءۇشىن اتالعان ءۇش ەل اراسىندا اسكەري وداق قۇرۋ جونىندە باستاما كوتەردىم. مۇنى اقش تاراپى قولدادى. ازىرگە باسقا ەشتەڭە ايتا المايمىن. تەك ناتيجە ءۇشىن جۇمىس ىستەيمىز.بۇل ءبىزدىڭ قاۋىپسىزدىگىمىز ءۇشىن قاجەت، –دەدى ۋكراينانىڭ سىرتقى ىستەر ءمينيسترى دميتري كۋلەبا.
قازىر بۇل ماسەلەنى ۋكراينا عانا ەمەس، ەۋروپاداعى بىرقاتار مەملەكەتتەر دە قىزۋ قۋاتتاپ جاتىر. ءۇش ەل اراسىنداعى بۇل وداق نە ءۇشىن قاجەت؟ ەڭالدىمەن رەسەيدەن كەلەتىن قاۋىپكە قاتىستى ءۇش ەل وسىلاي ءوز قاۋىپسىزدىگءىن قامتاماسىز ەتپەك.
پولشانىڭ wPolityce باسىلىمى كەشە «ۆاشينگتون ۋكراينا، گرۋزيا جانە مولدوۆا اراسىنداعى اسكەري وداقتىڭ قۇرىلۋىن قولدايدى» دەگەن تاقىرىپپەن ۇلكەن ماتەريال بەردى.
«قارا تەڭىز اۋماعىندا قازىرگى ۋاقىتتا رەسەيدىڭ اسكەري كۇش-قۋاتى مىقتى. سوندىقتان كەلەشەكتە اسكەري- تەڭدىكتى وزىمىزگە قاراي بۇرۋىمىز كەرەك»،- دەپ جازدى پولياك باسىلىمى.
الايدا ۋكرايانانىڭ كوكسەپ وتىرعان ۇشتىك وداعى جۇزەگە اسا ما؟ بۇعان قاتىستى مولداۆانىڭ قورعانىس مينيستءرىنىڭ مىندەتىن اتقارۋشى ۆيكتور گايچۋك «ەگەر بۇل باستامانى ءبىزدىڭ شەنەۋنىكتەردىڭ ءبىرى قولداپ، جۇزەگە اسىرعىسى كەلسە، وندا ەڭ الدىمەن ەلدىڭ كونستيتۋتسياسىن وزگەرتۋ كەرەك. بۇل وڭاي شارۋا ەمەس، -دەپ مالىمدەدى.
الايدا مولداۆيانىڭ قورعانىس مينيستءرىنىڭ مىندەتىن اتقارۋشى ۆيكتور گايچۋكتىڭ لاۋازىمدىق مەرزىمى جاقىن ۋاقىتتا بىتەدى. ال رەسمي كيەۆ «گايچۋكتىڭ ورنىنا كەلەدى» دەپ جوسپارلاپ وتىرعان اقش ۇلتتىق قورعانىس ۋنيۆەرسيتەتىن بىتىرگەن اناتولي نوساتىيمەن جاسىرىن كەلىسسوز جۇرگىزىپ وتىرعانعا ۇقسايدى. ال مولدوۆانىڭ پرەزيدەنتى بولعان مايا ساندۋ جاقىندا «پريدنەستروۆەگە رەسەيدىڭ شابۋىل جاساۋ قاۋپى بار» دەپ مالىمدەمە جاساعانى بەلگىلى. سوعان قاراعاندا ۋكراينا سىرتقى ىستەر مءينيسترىنىڭ قاۋىپسىزدىك ءۇشىن اسكەري وداق قۇرۋعا مۇددەلى بولىپ وتىرعانى بەكەر ەمەس سياقتى.
ەركىن قالدان،
«ادىرنا» ۇلتتىق پورتالى
