Resmı Kıev birneshe kúnnen beri Ýkraına-Grýzııa-Moldavııa arasynda áskerı alıans qurý jóninde máseleni talqylap jatyr. Bul eń aldymen atalǵan úsh eldiń qaýipsizdigi úshin kerek bolyp otyrǵanǵa uqsaıdy.
Aqıqatyn aıtý kerek, AQSh bıligine Baıden kelgennen keıin Ýkraına-Grýzııa-Moldavııa arasynda áskerı úshtik odaq (ÝGM) qurý máselesi qaıtadan kún tártibine shyqty. Óıtkeni Baıden Ýkraınaǵa jan-jaqty kómek berý qajettigin, resmı Kıevti endi qaıtadan qoldaý bastalatynyn aıtty.
–Men AQSh-tyń memlekettik hatshysy Tonı Blınkenmen áńgime barysynda Qara teńiz jáne Ortalyq Eýropa aımaǵynda qaýipsizdik úshin atalǵan úsh el arasynda áskerı odaq qurý jóninde bastama kóterdim. Muny AQSh tarapy qoldady. Ázirge basqa eshteńe aıta almaımyn. Tek nátıje úshin jumys isteımiz.Bul bizdiń qaýipsizdigimiz úshin qajet, –dedi Ýkraınanyń Syrtqy ister mınıstri Dmıtrıı Kýleba.
Qazir bul máseleni Ýkraına ǵana emes, Eýropadaǵy birqatar memleketter de qyzý qýattap jatyr. Úsh el arasyndaǵy bul odaq ne úshin qajet? Eńaldymen Reseıden keletin qaýipke qatysty úsh el osylaı óz qaýipsizdigin qamtamasyz etpek.
Polshanyń wPolityce basylymy keshe «Vashıngton Ýkraına, Grýzııa jáne Moldova arasyndaǵy áskerı odaqtyń qurylýyn qoldaıdy» degen taqyryppen úlken materıal berdi.
«Qara teńiz aýmaǵynda qazirgi ýaqytta Reseıdiń áskerı kúsh-qýaty myqty. Sondyqtan keleshekte áskerı- teńdikti ózimizge qaraı burýymyz kerek»,- dep jazdy polıak basylymy.
Alaıda Ýkraıananyń kóksep otyrǵan úshtik odaǵy júzege asa ma? Buǵan qatysty Moldavanyń Qorǵanys mınıstriniń mindetin atqarýshy Vıktor Gaıchýk «Eger bul bastamany bizdiń sheneýnikterdiń biri qoldap, júzege asyrǵysy kelse, onda eń aldymen eldiń konstıtýııasyn ózgertý kerek. Bul ońaı sharýa emes, -dep málimdedi.
Alaıda Moldavııanyń Qorǵanys mınıstriniń mindetin atqarýshy Vıktor Gaıchýktyń laýazymdyq merzimi jaqyn ýaqytta bitedi. Al resmı Kıev «Gaıchýktyń ornyna keledi» dep josparlap otyrǵan AQSh ulttyq qorǵanys ýnıversıtetin bitirgen Anatolıı Nosatyımen jasyryn kelissóz júrgizip otyrǵanǵa uqsaıdy. Al Moldovanyń prezıdenti bolǵan Maııa Sandý jaqynda «Prıdnestrovege Reseıdiń shabýyl jasaý qaýpi bar» dep málimdeme jasaǵany belgili. Soǵan qaraǵanda Ýkraına syrtqy ister mınıstriniń qaýipsizdik úshin áskerı odaq qurýǵa múddeli bolyp otyrǵany beker emes sııaqty.
Erkin QALDAN,
«Adyrna» ulttyq portaly
