رەسەيدىڭ ارنايى مەديامەتريكالىق زەرتتەۋ ورتالىعىنىڭ ساياسي ەكسپەرتى يگور نيكولايچۋك قازاقستان ناتو-مەن قارىم-قاتىناس جاساۋى مۇمكىن، بىراق ولاردا ەشقانداي دا ستراتەگيالىق مىندەتتەمە جوق دەپ وتىر.
قازاقستان ەۋرازيالىق ەكونوميكالىق وداقتىڭ مۇشەسى، رەسەيمەن تەڭ دارەجەدە (مۇنداي كەزدە تەڭ دارەجەدە بولىپ قالىپتى. نەگىزى قازاقستانعا باتىستىڭ ىقپالى ءجۇرىپ كەتۋىنەن ۇرەيلەنگەن رەسەيلىك ساياساتكەرلەر وسىلاي سويلەيدى) اسكەري-ستراتەگيالىق، ەكونوميكالىق ارىپتەستىك ورناتىپ، ءبىر وداقتا جۇمىس جاساپ وتىر. سوندىقتان قازاقستاننىڭ ناتو-مەن قارىم-قاتىناسى ناتيجەلى بولمايدى دەپ توقتاپتى.
رەسەيلىك ساياساتكەر قازاقستاندى ارمەنيامەن سالىستىرا كەلە قورقىتقانداي بولىپ، ارمەنيانىڭ ارتىندا رەسەيدەن باسقا تىرەۋى جوق، وندا رەسەيدىڭ بىتىمگەرلىك اسكەرى بار. ال قازاقستانعا تۇركيانىڭ (مۇندا ولار تۇران اسكەري وداعىن ەسكە الادى), قىتايدىڭ گەوساياسي تارتىلىسى بارىن ايتا كەتەدى. نيكولايچۋك قازاقستاندى الەمدىك نەمەسە ورتا ازيادا ساياساتتاعى تسەنتريستتىك ەل رەتىندە مويىنداپ (تۇركى ەلدەرىنىڭ ىشىندەگى بىتىمگەرلىك ميسسيانى ورىنداي الاتىنىن دا مويىندايدى), قازىرگى بيلىك ەليتاسىنىڭ وتىرعانىن ماقۇلدايدى.
نيكولايچۋك قازاقستاندى، بەلارۋستتى رەسەيدىڭ ستراتەگيالىق وداعى ەمەس، اسىرەسە اسكەري-ستراتەگيالىق سالاداعى اجىراماس سەرىكتەسى رەتىندە سانايدى. بىراق قازاقستانعا اقش پەن ناتو-نىڭ ىقپالى ءجۇرىپ كەتۋىنەن قاۋىپتەنىپ، قازاقستاننىڭ تاۋەلسىزدىگى ءۇشىن رەسەيدىڭ اتقاراتىن ماڭىزدى ءرولىن ايتىپ كەتتى. ال، ناتو مەن اقش-تىڭ اسكەري-ستراتەگيالىق، اسكەري-ساياسي قادامدارى تەك قانا گەوساياسي پرينتسيپتەرگە عانا نەگىزدەلگەن. بىراق قازاقستان وزدىگىنەن قازىر قانداي دا ءبىر قادامعا بارا المايدى دەيدى. اراسىندا ۋكرايناداعى جاعدايدى قوسىپ، تاعى دا قورىتقىسى كەلەدى. قورىتىندىلاي كەلە، قازاقستاننىڭ رەسەيسىز بولاشاعى بۇلىڭعىر دەپ سالدى.
سوڭعى كەزدە رەسەيلىك ساياساتكەرلەردىڭ قازاقستاننان اجىراپ قالۋ قاۋپى جايىندا بايبالام سالىپ وتىرعانىن سىزدەر دە بىلەسىزدەر. ەۋرازيالىق ەكونوميكالىق وداقتىڭ دا ءبىزدىڭ ەلىمىز ءۇشىن ءتيىمسىز جاقتارىن، ونىڭ رەسەيدىڭ مۇددەسىنە جۇمىس جاسايتىنىنان دا حاباردارسىزدار. سىرتقى ساياسي جاعدايلارعا زەر سالا قاراساق، رەسەيگە سالىناتىن ەكونوميكالىق سانكتسيالاردىڭ زاردابى بىزگە دە سوعادى. قازاقستان دا سىرتقى ساياساتتا ءتيىمدى تاڭداۋ جاسايتىن مەجەگە كەلىپ وتىرعان سياقتى. ءسىز نە دەيسىز؟
بەكبولات قارجان،
«ادىرنا» ۇلتتىق پورتلالى
