ينە ارقىلى بولاشاعىڭىزدى بولجاپ كوردىڭىز بە؟ ەندەشە بايقاپ كورىڭىز.
ينەگە اق ءتۇستى ءجىپتى وتكىزىڭىز.
وڭ قولىڭىزدىڭ الاقانىنا ءجىپ وتكىزىلگەن ينەنى سول قولىڭىزبەن اينالدىرىڭىز. ينەنى وڭ الاقاننىڭ ساۋساعى مەن باس بارماعىنىڭ اراسىنا ءۇش رەت ءتۇسىرىپ، كەيىن ينەنى سول الاقاننىڭ جارتى سانتيمەترىنەن جوعارى كوتەرىڭىز.
ينە شەڭبەر رەتىندە نەمەسە وڭنان سولعا قاراي اينالادى.
ەگەر ينە شەڭبەر بويىمەن اينالسا، ءسىزدىڭ ءبىرىنشى پەرزەنتىڭىز قىز بولادى.
ەگەر ينە وڭنان سولعا قاراي اينالسا، تۇڭعىشىڭىز ۇل بالا بولماق.
بۇل ءادىستى ءارى قاراي جالعاستىرا بەرسەڭىز بولادى. ينە ءوز ەركىمەن توقتامايىنشا، ءسىزدىڭ بولاشاقتا نەشە بالاڭىز بولاتىنىنا بولجام جاسايدى. بىردە ۇل، بىردە قىز بوپ اينالاتىن ينە ارينە، اللادان قۇدىرەتتى ەمەس. بىراق بۇل ءادىس نۋمەرولوگيا ءىلىمىنىڭ ءبىر تارماعىنا جاتادى.
ينە ارقىلى جۇزەگە اساتىن بۇل ءادىستىڭ راستىعىنا ءشۇبا كەلتىرسەڭىز، بالالارى بار اناعا تاجىريبە رەتىندە ىستەپ كورىڭىز. ءدال كەلسە، سەنىم ارتۋىڭىزعا بولادى.
ءۇش ادامعا ەكپەريمەنت جۇرگىزدىك:
1. ەكى قىز، ەكى ۇلدىڭ اناسىنا ءدال شىقتى. ياعني، ينە باسىندا شەڭبەر بويىمەن اينالىپ، ءتورت رەتتەن كەيىن اۆتوماتتى تۇردە توقتادى.
«نەگىزى سەنبەيتىن ەدىم. نۋمەرولوگيا دەگەن نارسەگە ءدىنىمىز قارسى عوي. بىراق قىزىق ەكەن. سەنبەسكە امال قالدىرمايدى»،- كوپ بالالى انا.
2. بولاشاعىنا الاڭدايتىن 18 جاستاعى قىزعا دا نەشە بالاسى بولاتىنى قىزىق ەكەنى راس. ەكسپەريمەنت كەزىندە 4 ۇل، 2 قىز شىقتى. تۇڭعىش پەرزەنتى ۇل بالا. ينە وڭنان سولعا قاراي ءتورت رەت قوزعالدى. كەيىن اۆتوماتتى تۇردە شەڭبەر بويىمەن ءجۇردى.
«ءوزىم بۇرىننان ۇلىم كوپ بولسا ەكەن دەيتىن ەدىم. ارمانىم ورىندالاتىن سەكىلدى».
3. ءبىر بالاسى بار انا دا ءبىزدىڭ ەكسپەريمەنتتىڭ قوناعى بولدى. ءبىر قىزىعى بۇرىن 2 رەت تۇسىك بوپ، كەيىن قۇدايدان تىلەپ العان بالاسى ەكەن. باستاپقىدا ينە قاي جاعىنا اينالارىن بىلمەي تۇرعان سوڭ، قايتادان جاسادىق. سول كەزدە تەك ءبىر-اق رەت وڭنان سولعا قاراي قوزعالدى.
«مەنىڭ ەكى رەت اۋىرىپ، تۇسىك بولعانىن بىلگەن بولار. (كۇلىپ)».
نۋمەرولوگيا ءىلىمىنىڭ ءبىر تارماعىنا جاتاتىن بولجامعا سەنىپ، سەنبەۋىڭىز وزىڭىزگە بايلانىستى. جازىلعان دايەك پەن كورسەتىلگەن دالەل جاراتقاننان كۇشتى ەمەس.
بويعا بىتەر، جاتىرعا جاتار بالانىڭ سانى اللاعا ايان. ال بۇل جاي عانا ەكسپەريمەنت.
"ادىرنا" ۇلتتىق پورتالى
