Ine arqyly bolashaǵyńyzdy boljap kórdińiz be? Endeshe baıqap kórińiz.
Inege aq tústi jipti ótkizińiz.
Oń qolyńyzdyń alaqanyna jip ótkizilgen ıneni sol qolyńyzben aınaldyryńyz. Ineni oń alaqannyń saýsaǵy men bas barmaǵynyń arasyna úsh ret túsirip, keıin ıneni sol alaqannyń jarty santımetrinen joǵary kóterińiz.
Ine sheńber retinde nemese ońnan solǵa qaraı aınalady.
Eger ıne sheńber boıymen aınalsa, sizdiń birinshi perzentińiz qyz bolady.
Eger ıne ońnan solǵa qaraı aınalsa, tuńǵyshyńyz ul bala bolmaq.
Bul ádisti ári qaraı jalǵastyra berseńiz bolady. Ine óz erkimen toqtamaıynsha, sizdiń bolashaqta neshe balańyz bolatynyna boljam jasaıdy. Birde ul, birde qyz bop aınalatyn ıne árıne, Alladan qudiretti emes. Biraq bul ádis nýmerologııa iliminiń bir tarmaǵyna jatady.
Ine arqyly júzege asatyn bul ádistiń rastyǵyna shúbá keltirseńiz, balalary bar anaǵa tájirıbe retinde istep kórińiz. Dál kelse, senim artýyńyzǵa bolady.
Úsh adamǵa ekperıment júrgizdik:
1. Eki qyz, eki uldyń anasyna dál shyqty. Iaǵnı, ıne basynda sheńber boıymen aınalyp, tórt retten keıin avtomatty túrde toqtady.
«Negizi senbeıtin edim. Nýmerologııa degen nársege dinimiz qarsy ǵoı. Biraq qyzyq eken. Senbeske amal qaldyrmaıdy»,- kóp balaly ana.
2. Bolashaǵyna alańdaıtyn 18 jastaǵy qyzǵa da neshe balasy bolatyny qyzyq ekeni ras. Eksperıment kezinde 4 ul, 2 qyz shyqty. Tuńǵysh perzenti ul bala. Ine ońnan solǵa qaraı tórt ret qozǵaldy. Keıin avtomatty túrde sheńber boıymen júrdi.
«Ózim burynnan ulym kóp bolsa eken deıtin edim. Armanym oryndalatyn sekildi».
3. Bir balasy bar ana da bizdiń eksperımenttiń qonaǵy boldy. Bir qyzyǵy buryn 2 ret túsik bop, keıin qudaıdan tilep alǵan balasy eken. Bastapqyda ıne qaı jaǵyna aınalaryn bilmeı turǵan soń, qaıtadan jasadyq. Sol kezde tek bir-aq ret ońnan solǵa qaraı qozǵaldy.
«Meniń eki ret aýyryp, túsik bolǵanyn bilgen bolar. (kúlip)».
Nýmerologııa iliminiń bir tarmaǵyna jatatyn boljamǵa senip, senbeýińiz ózińizge baılanysty. Jazylǵan dáıek pen kórsetilgen dálel jaratqannan kúshti emes.
Boıǵa biter, jatyrǵa jatar balanyń sany Allaǵa aıan. Al bul jaı ǵana eksperıment.
"Adyrna" ulttyq portaly
