ءتىپتى جاقىن ادامدارىڭىزعا ايتۋعا بولمايتىن 3 قۇپيا

3716
Adyrna.kz Telegram

«باسقا بالە تىلدەن» دەپ قازاق بەكەر ايتپاعان. ادامدى دەمەيتىن دە، جەبەيتىن دە، جىلاتاتىن دا، جۇباتاتىن دا – ءسوز. ەگەر ءسىز ءوز جۇرەگىڭىزدەگى قۇپيالارىڭىزدى وزگەلەرگە تىم كوپ اشاتىن بولساڭىز، جەكە ومىرىڭىزگە جانە وتباسىلىق ومىرىڭىزگە زيانى ءتيىپ كەتۋى بەك مۇمكىن. سوندىقتان كەي اڭگىمەلەردى، كەيبىر سىرلارىڭىزدى ءتىپتى جاقىن ادامدارىڭىزدان جاسىرىپ قالعانىڭىز ابزال. بۇل تۋرالى «ادىرنا» ءتىلشىسى تارقاتىپ بەرمەك.

بالالارعا قاتىستى اڭگىمەلەر

انالار بالالارىنىڭ دەنساۋلىعى تۋرالى، مەكتەبى جانە جوسپارلارى جونىندە سۇراعاندا ءبارىن اشىپ ايتۋدىڭ قاجەتى جوق. ارينە دورەكىلىك تانىتپاۋ كەرەك. بىراق بالالارىڭىزدىڭ جوسپارلارى تۋرالى وزگەلەرگە ايتىپ كەرەك ەمەس. سۇراعان جانعا، جالپىلاما تۇردە جاۋاپ بەرە سالعانىڭىز دۇرىس.

ەزوتەريكتەر (ىشكى تابيعاتى ءبىر جاندار) ءوز نۇسقالارىن ۇسىندى. ەگەر سىزدەن بالالارىڭىز تۋرالى اقپاراتتى سۇراعان ادام ءسىزدىڭ جاقىنىڭىز بولسا، وندا وعان دورەكىلىك تانىتپاي جاي عانا تاقىرىپتى ءوزىنىڭ بالالارىنا نەمەسە جەكە ومىرىنە قاتىستى ارناعا بۇرعانىڭىز ءجون. مىسالى: «بىزدىكىلەر جاقسى، اقىرىنداپ ءوسىپ جاتىر عوي، وزىڭدە قالاي؟»، دەپ.

ال ەگەر اڭگىمەلەسىپ جاتقان ادامىڭىز بالالارىنا قاتىستى كوپتەگەن ماسەلەلەرىن ايتا باستاسا، اڭگىمەنى جۇمسارتىپ كورىڭىز. ەشقاشان ونىڭ بالالارىنا ءتىل تيگىزبەڭىز. بالالارىن قوسا سوگەر بولساڭىز، وندا ونىڭ بەرىپ جاتقان تاربيەسىن دە قۇپتاماعانداي بولۋىڭىز مۇمكىن. ودان سوڭ ءسىزدىڭ تاراپىڭىزعا ءتۇرلى نەگاتيۆتەر ايتىلۋى دا عاجاپ ەمەس.

قىزدار اراسىندا قارىم-قاتىناس تۋرالى

جىگىت پەن قىز اراسىنداعى ماحاببات تۋرالى، سول ەكى كەيىپكەردەن وزگە ەشكىم بىلمەگەنى نۇر ۇستىنە نۇر. ارادا ماسەلەلەر، ءبىر-بىرىنە ۇنامايتىن تۇستار، ۇرىسۋلار، تۇسىنىسپەۋشىلىكتەر تۋىنداعان جاعدايدا ونى ءۇشىنشى ءبىر ادام كەلىپ تۇزەتە المايتىنى انىق.

وتكەن نەمەسە ءدال قازىر ورىن الىپ جاتقان قارىم-قاتىناستا جىگىتىڭىزدى/قىزىڭىزدى جامانداپ، جاعىمسىز جاقتارىن باسقا ادامعا، ءتىپتى جاقىنىڭىزعا ايتۋ ارقىلى ءسىز ءوز تالعامىڭىزدى تومەندەتىپ، ءوزىڭىزدىڭ قادىرىڭىزدى دە كەتىرەسىز. ەكىنشى جارتىڭىز ءمىنسىز جان بولماسا دا، ول تۋرالى قۇربىڭىزعا، دوسىڭىزعا، اناڭىزعا، اپكەڭىزگە، ۇجىمداسىڭىزعا دا ءتىس جارماڭىز.

بىرىنشىدەن، ءسىز جاقىن قارىم-قاتىناستا بولعان ادامىڭىزدى جامانداۋ ارقىلى ءسىز ءوزىڭىزدى دە بايقاماستان قورلاۋىڭىز مۇمكىن. ەكىنشىدەن، ءسىز ءسوزسىز وسەكشىلەردىڭ باستى اڭگىمەسىنە قالاسىز. ءسىز جاقىنىم دەپ سىر شەرتكەن جانداردىڭ قايسىبىرەۋى بولماسىن قۇپياڭىزدى وزگەلەرگە ايتىپ قويماسىنا كىم كەپىل؟! ۇشىنشىدەن، قارىم-قاتىناستا جولىڭىز بولماعانىن بىلگەن ءباز بىرەۋلەر ءسىز جامانداعان ەكىنشى جارتىڭىزعا كوز سالۋى مۇمكىن.

وزگەنىڭ قۇپياسىنان اۋلاق بولىڭىز

ءوز قۇپياڭىزدى بوگدە قۇلاققا ايتۋدىڭ قاجەتسىز ەكەندىگى سەكىلدى، ءسىز دە وزگەنىڭ قۇپياسىنان اۋلاق بولۋىڭىز كەرەك. ولاردى بىلگەننەن كەيىن ءسىز ارقاشان بىرەۋمەن جاڭالىقتار بولىسكىڭىز كەلەدى. ەگەر كۇندەردىڭ كۇنىندە اڭداۋسىزدا بىرەۋدىڭ سىزگە ايتقان قۇپياسىنىڭ باسى اشىلىپ قالار بولسا، وندا ونى ءۇشىنشى ادامنان جاسىرىپ قالۋ، ءتىپتى قيىنعا سوعادى.

قوعامدا وسەكشىلەردى قۇرمەتتەمەيدى، ولارمەن سيرەك ارالاسىپ، ادەتتە ادامدار ولاردان اۋلاق بولادى. وسەكتەۋدىڭ ءتۇبى، جاقىن ادامدارىڭىزدىڭ بىرىمەن سوزگە كەلىپ، ۇرىسپەن دە اياقتالۋى بەك مۇمكىن. سوندىقتان، ەگەر ءسىزدىڭ دوس قىزىڭىزدىڭ نەمەسە تۋىسقاندارىڭىزدىڭ بىرەۋى سىزگە باسقا ادامدى عايباتتاي باستاسا، تاقىرىپتى وزگەرتىپ، وزگەنىڭ سىرىن بىلۋدەن جالتارعانىڭىز دۇرىس بولادى.

سەنىمدى ادام جانە سىيلى دوس رەتىندە بەدەلگە يە بولۋ قيىن جانە جاۋاپتى قادام. بىراق ءسىز سول قاسىقتاپ جيناعان ابىرويىڭىزدى، بەدەلىڭىزدى ءبىر-اق ساتتە جوعالتۋىڭىز عاجاپ ەمەس. «اڭداماي سويلەگەن، اۋىرماي ولەدى» دەگەندەي ، وزگە ادامدارمەن اڭگىمەلەسكەندە، سويلەسكەندە، سىر شەرتىسكەندە ءار سوزىڭىزگە مۇقيات بولىڭىز.

«ادىرنا» ۇلتتىق پورتالى

پىكىرلەر