كەشە كورشىلەس جاتقان ەكى ەلدە حالىق ىعى-جىعى جينالعان اكتسيا ءوتتى دەپ حابارلايدى «ادىرنا» ۇلتتىق پورتالى.
قازاقستان مەن رەسەيدە قاتار وتكەن اكتسيادا جينالعان ادام سانى از بولماعان. الايدا رەسەيدەگى اكتسيا حالىق نارازىلىعى بولسا، بىزدەگى جۇرت ۇتىس ويىنىنان كولىك ۇتىپ الامىن دەگەن ۇمىتپەن كوشەگە شىققان. ەكى مەملەكەتتەگى وسىناۋ جاعدايلاردى الەۋمەتتىك جەلى قولدانۋشىلارى قىزۋ تالقىلادى. بەلگىلى جۋرناليست گۇلجان ەرعاليەۆا: «رەسەيدىڭ بىرنەشە قالاسىندا رەسەيلىكتەر «پۋتين كەت!»، «پۋتين ۇرى!» دەگەن ۇراندارمەن ەل تاعدىرىن شەشۋ ماسەلەسىمەن كوشەگە شىقتى. ءدال وسى مەزەتتە قازاقستاننىڭ باس قالاسىندا دا جۇرت جاپىرىلىپ كوشەگە شىقتى.
وكىنىشكە قاراي، قازاقستاندىقتار ەل تاعدىرى ءۇشىن ەمەس، الدەبىر دۇكەننىڭ اشىلۋ قۇرمەتىنە وراي ارزان باعامەن ساتىلعان تاۋار الۋعا جانە ۇتىس ويىنىنا قاتىسۋ ءۇشىن نۇر-سۇلتاننىڭ كوشەلەرىندە كەپتەلىس تۋدىرعان»،-دەپ جازدى. ەندى ءبىر الەۋمەتتىك جەلى قولدانۋشى: «قازاقستاندا حالىقتى كوشەگە شىعارۋ ءۇشىن تەگىن پالاۋ تاراتسا دا، جەتكىلىكتى ەكەن» دەپ جازدى.
فوتو اشىق دەرەككوزدەن الىندى.
