Keshe kórshiles jatqan eki elde halyq yǵy-jyǵy jınalǵan akııa ótti dep habarlaıdy «Adyrna» ulttyq portaly.
Qazaqstan men Reseıde qatar ótken akııada jınalǵan adam sany az bolmaǵan. Alaıda Reseıdegi akııa halyq narazylyǵy bolsa, bizdegi jurt utys oıynynan kólik utyp alamyn degen úmitpen kóshege shyqqan. Eki memlekettegi osynaý jaǵdaılardy áleýmettik jeli qoldanýshylary qyzý talqylady. Belgili jýrnalıst Gúljan Erǵalıeva: «Reseıdiń birneshe qalasynda reseılikter «Pýtın ket!», «Pýtın ury!» degen urandarmen el taǵdyryn sheshý máselesimen kóshege shyqty. Dál osy mezette Qazaqstannyń bas qalasynda da jurt japyrylyp kóshege shyqty.
Ókinishke qaraı, qazaqstandyqtar el taǵdyry úshin emes, áldebir dúkenniń ashylý qurmetine oraı arzan baǵamen satylǵan taýar alýǵa jáne utys oıynyna qatysý úshin Nur-Sultannyń kóshelerinde keptelis týdyrǵan»,-dep jazdy. Endi bir áleýmettik jeli qoldanýshy: «Qazaqstanda halyqty kóshege shyǵarý úshin tegin palaý taratsa da, jetkilikti eken» dep jazdy.
Foto ashyq derekkózden alyndy.
