بالاڭىزدى باقىلاۋدا ۇستايسىز

2954
Adyrna.kz Telegram

قازاقستاندا بالالاردىڭ قايدا كەتكەنىن باقىلاپ وتىرۋعا بولاتىن جاڭا جۇيە ازىرلەنبەكشى. بۇل تۋرالى ىشكى ىستەر مينيسترلىگىنىڭ رەسمي وكىلى ءنۇردىلدا وراز مالىمدەدى، دەپ حابارلايدى «ادىرنا» ۇلتتىق پورتالى  Stan.kz اقپارات اگەنتتىگىنە سىلتەمە جاساپ. 

ء"بىز وسى جىلى ىسكە اسىرىلاتىن پيلوتتىق جوبالار جايلى ايتقىم كەلەدى. بۇل بالالاردىڭ قاۋىپسىزدىگىنە ارنالعان "مەنى تاپ" باعدارلاماسى بولماق. اتالمىش جۇيە ارقىلى بالالاردىڭ قايدا ەكەنىن باقىلاۋعا بولادى", - دەيدى وراز.

سوزىنشە، بۇل باعدارلاما Bluetooth جەلىسى ارقىلى جۇمىس ىستەيدى ەكەن.

ء"موبيلدى قوسىمشا اتا-انالاردىڭ سمارتفونىنا ورناتىلادى. ال ترەكەرلەردى وقۋشىنىڭ كيىمىنە نەمەسە سومكەسىنە جاپسىرىپ قويۋعا بولادى. ەگەر بالا جوعالىپ كەتسە، اتا-انالار ءموبيلدى قوسىمشا ارقىلى ترەكەردى ىزدەي باستايدى", - دەپ قوستى مينيسترلىك وكىلى.

بۇعا قوسا، ول باعدارلامانىڭ جەدەل باسقارۋ ورتالىعىمەن بايلانىستا بولاتىنىن جانە بالانىڭ جوعالعانى تۋرالى حابار دەرەۋ پوليتسياعا جولداناتىنىن اتاپ ءوتتى.

 

پىكىرلەر