مالاتيا قالاسىندا جەر سىلكىنىسىنەن سوڭ وتباسىمەن ءۇيىندى استىندا قالعان ايەل قۇشاعىنداعى ءولى سابيگە بەسىك جىرىن ايتقان، دەپ حابارلايدى "ادىرنا" ۇلتتىق پورتالى Inbusiness.kz سايتىنا سىلتەمە جاساپ.
ءزىلزالادان سوڭ ەرىكتى رەتىندە ىزدەستىرۋ-قۇتقارۋ توبىنىڭ جۇمىسىنا قاتىسقان جەرگىلىكتى مۇعالىم وقيعا ورنىنداعى جاعدايلاردى ۇمىتۋ مۇمكىن ەمەس دەيدى. ولار 19 ادامدى ءۇيىندى استىنان امان-ەسەن الىپ شىققان. العاشقى كۇن 9 ساعات جۇمىس ىستەپ بىردە ءبىر تۇرعىندى تابا الماعان. ءۇمىت ۇزىلە باستاعاندا ءۇيىندى استىنداعى ءبىر قىزدان اكەسىنە حابارلاما كەلەدى. جەر سىلكىنىسىنەن 19 ساعات وتكەن سوڭ وسى حابارلاماعا سۇيەنە وتىرىپ، قۇتقارۋ توبى قيراعان عيماراتتا ىزدەستىرۋ جۇمىستارىن جۇرگىزەدى. ناتيجەسىندە ءۇيىندى استىنان 9 ادام امان شىعارىلادى. سولاردىڭ ءبىرى اپكەسىنە ءسابيى تۋرالى:
"ول مەنىڭ قۇشاعىمدا جاتىر، ۋايىمداما، بەسىك جىرىن ايتىپ ۇيىقتاتتىم" دەگەن. بالانىڭ قايتىس بولعانىن تەك ءوزى بىلگەن. ءۇيىندى استىنان الىپ شىققانعا دەيىن ءبارى، ءتىپتى قۇتقارۋ توبى دا ءتىرى دەپ ويلاعان. ەرىكتىنىڭ ايتۋىنشا، ول قىز ءسابيدىڭ اناسىنا، ياعني اپكەسىنە مورالدىق تۇرعىدا كومەك بەرۋ ءۇشىن وسىنداي قادامعا بارعان. وسىلايشا ءۇيىندى استىندا قالعانداردىڭ ءومىرىن قۇتقارىپ قالدى، – دەيدى.
ۇقساس جاڭالىقتار
