اقتوبە وبلىسىندا ءتورت كۇن بۇرىن جوعالىپ كەتكەن اۋتيزممەن اۋىراتىن بالانىڭ دەنەسى وزەننەن تابىلدى، دەپ حابارلايدى «ادىرنا» ۇلتتىق پورتالى.
«اقتوبە وبلىسى توتەنشە جاعدايلار دەپارتامەنتىنىڭ جەدەل-قۇتقارۋ جاساعىنىڭ قۇتقارۋشىلارى ساعات 9:45-تە ەلەك وزەنىنىڭ جاعالاۋىنان 15 م قاشىقتىقتا جوعالعان بالانىڭ دەنەسىن 1,5 مەتر تەرەڭدىكتەگى سۋدان الىپ شىقتى. قازىر ءمايىت پوليتسياعا تاپسىرىلدى. ايتا كەتەيىك، وسى ۋاقىتقا دەيىن ىزدەۋ جۇمىستارىن قۇتقارۋشىلار، كينولوگتار، پوليتسيا قىزمەتكەرلەرى، 20982, 6655 اسكەري بولىمدەرى، جەرگىلىكتى تۇرعىندار مەن ەرىكتىلەر جۇرگىزدى»، - دەپ حابارلادى سەنبىدە تجد ءباسپاسوز قىزمەتى.
ەستەرىڭىزگە سالا كەتەيىك، اۋتيست-بالا 4 ماۋسىم كۇنى جوعالىپ كەتكەن بولاتىن. ونىڭ جوعالۋى بويىنشا سوتقا دەيىنگى تەرگەۋ باستالدى.
