قىزدارى مەن كۇيەۋ بالاسى كەيۋانانى سوققىعا جىعىپ، قولىن سىندىرعان

3142
Adyrna.kz Telegram

شىمكەنت قالاسىندا كەيۋانانى تۋعان قىزدارى مەن كۇيەۋ بالاسى سوققىعا جىعىپ، قولىن سىندىرعان. بۇل تۋرالى زاڭگەر ەركىن قاحاروۆ Facebook پاراقشاسىندا جازدى، دەپ حابارلايدى «ادىرنا» ءتىلشىسى.

«قازاعىم، باۋىرلارىم، نە بولدى بىزگە؟ التىنگۇل اجەنى ناعيما جانە باعيلا ەسىمدى قىزدارى مەن ولاردىڭ كۇيەۋلەرى سوققىعا جىققان. تۋىستارىنىڭ ايتۋىنشا، قارت انا ءومىرىن قىزدارىنا ارناعان، ەشقاشان تويلار مەن دەمالىس ورىندارىنا بارماعان، بالالارىنان ەشتەمە اياماعان، ۇرماعان، ءتىپتى ۇرىسپاعان. مىنە، ولار ەسەيىپ، ءوز اناسىنا قول كوتەردى. مىنە وسىنداي، 21 عاسىردىڭ ريزاشىلىق بىلدىرگەن بالالارىنىڭ العىسى»،-دەدى ول.

زاڭگەر اراداعى تۇسىنىسپەۋشىلىكتىڭ 2018 جىلى باستالعانىن جەتكىزدى.

« التىنگۇل اجە كىشى قىزىنا مارقۇم كۇيەۋىمەن بىرگە سالعان، ءومىر بويى بىرگە تۇرعان ۇيلەرىن سىيلايدى. وسىلايشا ول باقىتتى قارتتىق شاعىن وسى ۇيدە ەلەستەتەدى. الايدا ءۇي راسىمدەلگەننەن سوڭ 10 كۇن وتكەننەن كەيىن قايعىلى جاعداي بولىپ، كىشى قىزى دۇنيەدەن وتەدى. جىلجىمايتىن مۇلىكتىڭ مۇراگەرى وسى ەڭ كىشى قىزدىڭ كۇيەۋى (كۇيەۋ بالا) جانە ونىڭ ەكى بالاسى اتانادى. ال ءۇيدىڭ 1/8 بولىگى زاڭعا سايكەس، كەيۋاناعا تيەسىلى. ايەلىنىڭ 40 كۇندىگى وتكەننەن سوڭ كۇيەۋى قايىن ەنەسىن ۇيدەن قۋادى. التىنكۇل حانىم كەتەتىن جەرى جوق
جانە ونىڭ ءۇيى وسىندا ەكەنىن جەتكىزەدى. سودان كەيىن سوت پروتسەستەرى باستالىپ، قارت انا «ءساتتى» ۇتىلىپ قالادى. كەيىن كۇيەۋ بالا ءوز وداعىنا اجەنىڭ ەكى قىزىن قوسىپ الادى. ولار دا ءۇي ۇلەسىن العىسى كەلىپ، انالارىن اياماي ۇرادى»،-دەپ ءسوزىن تولىقتىردى ول.

وسىنداي سۇمدىق جايتتاردى باسىنان وتكىزگەن انا قورلىققا شىداماي، وزىنە قول جۇمساعىسى كەلگەن. الايدا ونى امان ساقتاپ قالعان.

«شىمكەنت قالاسىنىڭ پوليتسيا دەپارتامەنتى، اباي پوليتسيا ءبولىمى! انالارىن ۇرىپ-سوققان قىزداردى جانە زەينەتكەردىڭ كۇيەۋ بالاسىن جازالاۋدى سۇرايمىز. التىنكۇل اجەنىڭ سول قولى ەكى جەردەن سىنعان، دەنەسى كوگەرگەن»،- دەدى زاڭگەر.

«ادىرنا» ۇلتتىق پورتالى

پىكىرلەر