Shymkent qalasynda keıýanany týǵan qyzdary men kúıeý balasy soqqyǵa jyǵyp, qolyn syndyrǵan. Bul týraly zańger Erkin Qaharov Facebook paraqshasynda jazdy, dep habarlaıdy «Adyrna» tilshisi.
«Qazaǵym, baýyrlarym, ne boldy bizge? Altyngúl ájeni Naǵıma jáne Baǵıla esimdi qyzdary men olardyń kúıeýleri soqqyǵa jyqqan. Týystarynyń aıtýynsha, qart ana ómirin qyzdaryna arnaǵan, eshqashan toılar men demalys oryndaryna barmaǵan, balalarynan eshteme aıamaǵan, urmaǵan, tipti uryspaǵan. Mine, olar eseıip, óz anasyna qol kóterdi. Mine osyndaı, 21 ǵasyrdyń rızashylyq bildirgen balalarynyń alǵysy»,-dedi ol.
Zańger aradaǵy túsinispeýshiliktiń 2018 jyly bastalǵanyn jetkizdi.
« Altyngúl áje kishi qyzyna marqum kúıeýimen birge salǵan, ómir boıy birge turǵan úılerin syılaıdy. Osylaısha ol baqytty qarttyq shaǵyn osy úıde elestetedi. Alaıda úı rásimdelgennen soń 10 kún ótkennen keıin qaıǵyly jaǵdaı bolyp, kishi qyzy dúnıeden ótedi. Jyljymaıtyn múliktiń murageri osy eń kishi qyzdyń kúıeýi (kúıeý bala) jáne onyń eki balasy atanady. Al úıdiń 1/8 bóligi zańǵa sáıkes, keıýanaǵa tıesili. Áıeliniń 40 kúndigi ótkennen soń kúıeýi qaıyn enesin úıden qýady. Altynkúl hanym ketetin jeri joq
jáne onyń úıi osynda ekenin jetkizedi. Sodan keıin sot proesteri bastalyp, qart ana «sátti» utylyp qalady. Keıin kúıeý bala óz odaǵyna ájeniń eki qyzyn qosyp alady. Olar da úı úlesin alǵysy kelip, analaryn aıamaı urady»,-dep sózin tolyqtyrdy ol.
Osyndaı sumdyq jaıttardy basynan ótkizgen ana qorlyqqa shydamaı, ózine qol jumsaǵysy kelgen. Alaıda ony aman saqtap qalǵan.
«Shymkent qalasynyń polıııa departamenti, Abaı polıııa bólimi! Analaryn uryp-soqqan qyzdardy jáne zeınetkerdiń kúıeý balasyn jazalaýdy suraımyz. Altynkúl ájeniń sol qoly eki jerden synǵan, denesi kógergen»,- dedi zańger.
«Adyrna» ulttyq portaly
