قىزىل كوممۋنيستەر شىن مانىندە جەڭىسكە جەتتى مە؟

2150
Adyrna.kz Telegram

سونىمەن ۇزاق كۇتكەن پارتيالاردىڭ ساياسي دوداسى اياقتالىپ، اقىرى ناتيجە جالپاق جۇرتشىلىققا ءمالىم بولدى. «نۇروتان»، «اقجول» جانە قازاقستان حالىقتىق پارتياسى ەندى پارلامەنتكە بارادى.

بىراق كوڭىلدە كوپ كۇمان قالدى. ماقۇل، «نۇر وتان»مەن «اقجولدىڭ» جەڭىسى كۇءمانسىز دەيىك. الايدا ءۇشىنشى ورىنعا شىققان قازاقستان حالىقتىق پارتياسى شىن مانىندە ايقىن باسىمدىلىقپەن وزگە ەكى پارتيادان جەڭىستى جۇلىپ الدى ما؟ راسىندا دا كوسارەۆ مۇراعا قالدىرىپ كەتكەن كوممۋنيستەردىڭ حالىقتىڭ پارتياسى ىستىق ىقىلاسىنا بولەنىپ، بۇقارانىڭ داۋسىن الدى ما؟ تۇماندى, كۇماندىنارسەلەر كوپ. سايلاۋعا بىرەر اي قالىپ، ساياسي دوداعا قاتىسقالى تۇرعان ساتتە وتكەلدە اتىن اۋىستىرىپ «حالىقتىق» بولىپ شىعا كەلگەن ولار كەشەلى بەرى ايرىقشا قۋانىپ جاتىر. وزدەرى دە كۇتپەگەن جەڭىستى بيلىك جەدەل الىپ بەرسە، بوركىن اسپانعا اتپاعاندا قايتەدى؟! ءبىزدىڭ بيلىككە وسىلاي ۇندەمەي وتىرىپ ساياساتىن جۇرگىزەتىن «قىزىل سۇڭقارلار» كەرەك بوپ تۇر عوي.

كوممۋنيستەردىڭ كەشەگى جەڭىسىنەن كەيىن الەۋمەتتىك جەلى قاراما-قايشى پىكىرلەرگە تولدى. ەشكىم دە كوممۋنيستەر داۋىس الۋ جاعىنان ءۇشىنشى ورىنعا شىعادى دەپ ويلاعان جوق. ەندى كەلىپ, بولمايتىن بولجام اقيقاتقا اينالدى.

ۇلكەن ويىن بولدى. «اۋىل» مەن «ادالدى» جۇرت قازىردىڭ وزىندە انە ءبىر جىلعى «قوسانوۆ سيندرومى»دەپ جاتىر. مەنىڭ جىنىم كەلەتىنى، بيلىك نەلىكتەن كوممۋنيستەرگە مۇمكىندىك بەردى ەكەن؟ مىنە، قازاق، سەنىڭ بيلىگىڭنىڭ تىلىنە دە، دىلىڭە دە تۇكىرگەنى بار. ماجىلىسكە ماڭگۇرتتەر كەرەك. بوسادا ويىن ويناعانكوممۋنيستەردىڭ ورنىنا نە «اۋىلدى», نە «ادالدى» جىبەرۋ كەرەك ەدى»،- دەپ جازدى Mukharbek Makhambet اتتى بەلسەندى ازامات ءوزىنىڭ فەيسبۋك پاراقشاسىندا.

ءومىرى قازاقشا سويلەمەيتىن كوممۋنيست قوڭىروۆتار ەندى  تاعى دا ءتورت-بەس جىل پارلامەنتتە وتىرىپ، قازاق سەنىڭ  ماسەلەڭدى، تاريحىڭدى، تاعدىرىڭدى، شەشەدى.

...«اۋىل» مەن «ادالعا» وبال بولدى-اۋ...

ەركىن قالدان،

«ادىرنا» ۇلتتىق پورتالى

پىكىرلەر