Sonymen uzaq kútken partııalardyń saıası dodasy aıaqtalyp, aqyry nátıje jalpaq jurtshylyqqa málim boldy. «NurOtan», «Aqjol» jáne Qazaqstan halyqtyq partııasy endi parlamentke barady.
Biraq kóńilde kóp kúmán qaldy. Maqul, «Nur Otan»men «Aqjoldyń» jeńisi kúmánsiz deıik. Alaıda úshinshi orynǵa shyqqan Qazaqstan halyqtyq partııasy shyn máninde aıqyn basymdylyqpen ózge eki partııadan jeńisti julyp aldy ma? Rasynda da Kosarev muraǵa qaldyryp ketken kommýnısterdiń halyqtyń partııasy ystyq yqylasyna bólenip, buqaranyń daýsyn aldy ma? Tumandy, kúmándinárseler kóp. Saılaýǵa birer aı qalyp, saıası dodaǵa qatysqaly turǵan sátte ótkelde atyn aýystyryp «halyqtyq» bolyp shyǵa kelgen olar kesheli beri aıryqsha qýanyp jatyr. Ózderi de kútpegen jeńisti bılik jedel alyp berse, bórkin aspanǵa atpaǵanda qaıtedi?! Bizdiń bılikke osylaı úndemeı otyryp saıasatyn júrgizetin «qyzyl suńqarlar» kerek bop tur ǵoı.
Kommýnısterdiń keshegi jeńisinen keıin áleýmettik jeli qarama-qaıshy pikirlerge toldy. Eshkim de kommýnıster daýys alý jaǵynan úshinshi orynǵa shyǵady dep oılaǵan joq. Endi kelip, bolmaıtyn boljam aqıqatqa aınaldy.
–Úlken oıyn boldy. «Aýyl» men «Adaldy» jurt qazirdiń ózinde áne bir jylǵy «Qosanov sındromy»dep jatyr. Meniń jynym keletini, bılik nelikten kommýnısterge múmkindik berdi eken? Mine, qazaq, seniń bıligińniń tiline de, dilińe de túkirgeni bar. Májiliske máńgúrtter kerek. Bosada oıyn oınaǵankommýnısterdiń ornyna ne «Aýyldy», ne «Adaldy» jiberý kerek edi»,- dep jazdy Mukharbek Makhambet atty belsendi azamat óziniń feısbýk paraqshasynda.
Ómiri qazaqsha sóılemeıtin kommýnıst Qońyrovtar endi taǵy da tórt-bes jyl parlamentte otyryp, qazaq seniń máseleńdi, tarıhyńdy, taǵdyryńdy, sheshedi.
...«Aýyl» men «Adalǵa» obal boldy-aý...
Erkin QALDAN,
«Adyrna» ulttyq portaly
