جاڭا جىل بارشا جاندى جارىلقاسىن! بۇگىن دەمالىس. كەزەكشىمىن. تاڭعى سەگىزدەن جۇمىستامىز. بارلىق مەملەكەتتىك ورگانداردا كەزەكشىلىك بار. ءبىر نارسە بولا قالسا، دەرەۋ حابارلاپ، ارەكەت ەتىپ، شەشىم قابىلدايدى.
ءبارى تىنىش بولسا، كىتاپ وقىپ، جازۋ جازىپ وتىراسىڭ. سەبەبى دەمالىس قوي
قولىم قىشىپ، بولعان-كورگەندى جازعىم كەلىپ تۇرادى. سوڭعى ۋاقىتتا جازۋعا تەگى قول تيمەي كەتتى. ويداعىنىڭ وننان ءبىرىن دە جازىپ ۇلگەرە الماي جاتىرمىن.
جاڭا جىلداعى دەمالىستاردىڭ ءبىر بولىگىن جازۋ-سىزۋ مەن وقۋ-توقۋعا ارنايمىن.
ايتپاقشى، الدىڭعى كۇنى شىمكەنتتە ايتارلىقتاي جاڭالىق بولدى. اباي جىلى مازمۇندى قورىتىندىلاندى عوي دەپ ويلايمىن.
ءازىمحان يسابەك دەگەن جاس ابايتانۋشى اباي اتامىزدىڭ شاعاتاي تىلىندە جازىلعان 38-ءسوزىنىڭ سىرىن اشىپ، تولىق نۇسقادا كىتاپ ەتىپ شىعاردى. بۇل ءسوزدى اباي اتامىز “كيتاب تاسديق” دەپ اتاعان. بۇل كىتاپ — اباي شىعارماشىلىعىنىڭ وزەگى.
سودان كەشە، 31 جەلتوقساندا شىمكەنت قالاسىنىڭ اكىمى مۇرات ايتەنوۆ مەملەكەتتىك سىيلىقتىڭ لاۋرەاتى، كوزى ءتىرى باس ابايتانۋشى دەسەم قاتەسپەسپىن، مەكەمتاس مىرزاحمەتوۆكە جاڭا جىل الدىندا سالەم بەرە باردى. اعامىز ازداپ سىرقاتتانىپ قالدى دەگەندى ەستىپ ەدىك، قازىر دەنساۋلىعى جاقسى ەكەن.
داستارحان باسىندا مەكەمتاس اعامىز: “قازىر شىمكەنت ابايتانۋ ورتالىعىنا اينالىپ بارادى”، — دەپ ەدى، الاش سىيلىعىنىڭ لاۋرەاتى، مەكەمتاس مىرزاحمەتوۆ تۋرالى ءبىر كىتاپ جازعان، قازاقتىڭ بەلگىلى جازۋشىسى مارحابات بايعۇت اعامىز: “مەكەمتاس مىرزاحمەتوۆ قايدا بارسا، ابايتانۋ ورتالىعى سول جاققا بىرگە كوشىپ بارادى”، — دەپ ازىلدەسىپ ءبىراز اڭگىمەلەستىك. اڭگىمەلەستىك دەپ قويامىز، مەكەمتاس اعامىزدىڭ لەكتسياسىن تىڭدادىق.
مەكەمتاس اعامىز جاس ۇرپاق ابايدى مەرەيتوي جىلدارىندا عانا ەمەس، جىل سايىن وقىپ ۇيرەنۋ قاجەت ەكەنىن اماناتتادى.
شىڭعىس مۇقان
