بەلگىلى قازاقستاندىق ۆولەيبولشى سابينا التىنبەكوۆا مەن جارى سايات سالمانۇلى ۇيلەنۋ تويىنىڭ ورنىنا قايىرىمدىلىق جاساپ جۇرتتى ءتانتى ەتتى، دەپ حابارلايدى «ادىرنا» ءتىلشىسى.
جاس جۇبايلار قۋانىشىن الماتى وبلىسىنداعى №1 بالالار ۇيىندەگى بالالارمەن ءبولىسۋدى ءجون كورگەن. بۇل تۋرالى بەلگىلى بلوگەر بەيبىت اليبەكوۆ ءوز Instagram پاراقشاسىندا جاريالادى. بلوگەر پاراقشاسىنا جاس جۇبايلارمەن بىرگە بالالار ءۇيى الدىندا تۇسكەن سۋرەتتى جۇكتەگەن. ونىڭ جازۋى بويىنشا، سابينا مەن سايات 100-دەن استام بالاعا ءتاتتى تاعامدار تاراتىپ، قۋانتىپ قايتقان.
«جاستارعا باقىت تىلەيمىن. سايات پەن سابينا كەرەمەت ۇلگى كورسەتتى. پاندەميا كەزىندە توي ورنىنا، 100-دەن اسا بالاعا قۋانىش سىيلاۋعا بولادى. ۇزدىكسىڭدەر»،-دەپ جازدى ول.
جاس جۇبايلاردىڭ بۇل ىسىنە ءتانتى بولعان كوپشىلىك جازبانىڭ استىنا جىلى لەبىزدەرىىن قالدىرعان. دەگەنمەن، جاساعان جاقسىلىقتى جاريا ەتپەۋ كەرەكتىگىن العا تارتقان پىكىرلەر دە بار.
«ادىرنا» ۇلتتىق پورتالى
