Belgili qazaqstandyq voleıbolshy Sabına Altynbekova men jary Saıat Salmanuly úılený toıynyń ornyna qaıyrymdylyq jasap jurtty tánti etti, dep habarlaıdy «Adyrna» tilshisi.
Jas jubaılar qýanyshyn Almaty oblysyndaǵy №1 balalar úıindegi balalarmen bólisýdi jón kórgen. Bul týraly belgili bloger Beıbit Alıbekov óz Instagram paraqshasynda jarııalady. Bloger paraqshasyna jas jubaılarmen birge balalar úıi aldynda túsken sýretti júktegen. Onyń jazýy boıynsha, Sabına men Saıat 100-den astam balaǵa tátti taǵamdar taratyp, qýantyp qaıtqan.
«Jastarǵa baqyt tileımin. Saıat pen Sabına keremet úlgi kórsetti. Pandemııa kezinde toı ornyna, 100-den asa balaǵa qýanysh syılaýǵa bolady. Úzdiksińder»,-dep jazdy ol.
Jas jubaılardyń bul isine tánti bolǵan kópshilik jazbanyń astyna jyly lebizderiin qaldyrǵan. Degenmen, jasaǵan jaqsylyqty jarııa etpeý kerektigin alǵa tartqan pikirler de bar.
«Adyrna» ulttyq portaly
