«فەيسبۋك», «ۆكونتاكتە», «ينستاگرام», «ودنوكلاسنيكي».. بۇگىندە وسىنداي الەۋمەتتىك جەلىلەرگە بايلانىپ، بار ۋاقىتى مەن كۇش-قۋاتىن، اقشاسىن جۇمساپ جاتاتىن ادامدار كوپ. الەۋمەتتىك جەلىلەردىڭ جەكە ادامعا، قوعامعا، مەملەكەتتەرگە ىقپالى بارعان سايىن كۇشەيىپ بارادى. يران، اۋعانستان سياقتى يسلام ەلدەرى بىلاي تۇرسىن, كورشى قىتايدا الەمدىك الەۋمەتتىك جەلىلەردى بۇعاتتاپ، تىيىم سالدى.
الەۋمەتتىك جەلى ارقىلى سوڭعى جاڭالىقتار مەن وقيعالاردان حاباردار بولىپ وتىراسىڭ. ەكىنشىدەن, الەۋمەتتىك جەلىدەن ءتۇرلى كوڭىل كوتەرەتىن مۋزىكا مەن اندەر، فيلمدەر، تاباسىڭ جانە ءبارى تەگىن. ساراپشىلاردىڭ مالىمەتىنشە، ءالەمدەگى وتىز جاسقا دەيىنگى ادامداردىڭ 50 پايىزى، جاڭا عاسىردا تۋىلعانداردىڭ 96 پايىزى ءالەۋمەتتىك جەلىنى تۇراقتى پايدالانادى.مىسالى، «Facebook»-ءتىڭ اپتالىق ترافيگى«Google»-دەن دە اسىپ ءتۇستى. اقش-تىڭ ءاربىر سەگىزىنشى جۇبى الەۋمەتتىك جەلىلەر ارقىلى تانىسقان. 50 ميلليون قولدانۋشىنى وزىنە قاراتۋ ءۇشىن راديو وتىز سەگىز جىل، تەلەۆيزيا ون ءۇش جىل، ينتەرنەت ءتورت جىل تالماي قىزمەت ەتكەن. ال «Facebook» ءبىر جىلدا 200 ميللليون ادام جينادى. تىركەلۋشىلەر سانى قىتاي حالقىنىڭ ءوسۋ ۇدەرىسىنەن دە اسىپ تۇسۋدە. ال، كومپانيالاردىڭ 80 پايىزى كادر تابۋدا الەۋمەتتىك جەلىلەرگە جۇگىنەدى. باتىستىڭ تانىمالدارى لەدي گاگا مەن دجاستەن بيبەردىڭ تۆيتتەردەگى وقىرماندارسانى قازاقستان حالقىنان دا كوپ.
بۇگىندە الەۋمەتتىك جەلىلەر الىپ كۇشكە اينالىپ بارا جاتقانداي كورىنەدى. ۋاقىت پەن قاشىقتىققا قاراماي «ايشىلىق الىس جەرلەردەن جىلدام حابار العىزاتىن» جەلىلەر جەتەرلىك. ۆيرتۋالدى الەمگە كىرىپ,سونىڭ شىرماۋىندا كەتىپ جاتقان جاستاردى از ەمەس. اقيقاتى ومىردەن الشاق كەتكەندەرى دە بار. دەگەنمەن, الەۋمەتتىك جەلىنى دۇرىس ماقساتتا قولدانىپ جۇرگەندەر دە بار. الەۋمەتتىك جەلى كومەگىمەن بىرەۋ ءوز بيزنەسىنجۇرگىزىپ جاتسا، بىرەۋ قايىرىمدىلىق جۇمىستارىن وتكىزىپ جاتىر. ەءندى بىرەۋى ءوزىنىڭ وقىپ، بىلگەن-تۇيگەنىن جۇرتپەن ءبولىسىپ جاتىر.
ەندى الەۋمەتتىك جەلىگە كىرەر الدىندا ءسىز قانداي ماقساتپەن كىرىپ جاتقانىڭىزدى ويلانىڭىز! جەلىلەر ارقىلى اركىم وز ويىن اشىق جەتكىزىپ قازاقشا كونتەنت جاساپ,بلوگەر بولىپ ءناپاقىسىن تاۋىپ جۇرگەندەردە جەتەرلىك.
جوعارعىدا ايتىلعان جەلىلەردىڭ كوش باسىندا تۇرعان – «Instagram» بۇگىنگى جاستاردىڭ ترەند نەمەسە برەندىنە اينالعان.بۇل جەلىنىڭ ەرەكشەلىگى جاستاردىڭ اۋديتورياسىن ءتۇرلى سۋرەت, ۆيدەو,انيماتسيالارمەن ەرەكشەلەندىرەدى. كەز–كەلگەن ادام تىركەلىپ, ءوزىنىڭ قالاعان سۋرەتتەرىن قويىپ، لايك جيناۋ ماڭىزدى. بۇل جەلى ارقىلى قالاعان ۋاقىتىڭدا جۋرناليستەر سياقتى وقيعا ورنىنان اقپارات تاراتۋعا دا بولادى.
ستاتيستيكالىق مالىمەتتەرگە سەنسەك، جىل سايىن الەمدە شامامەن 100 ادام الەۋمەتتىك جەلىدە قالدىرعان حاتى ءۇشىن ومىردەن وزادى.ءالەۋمەتتىك مەديانى تەك اقپارات كوزى رەتىندە عانا ەمەس، تابىس كوزى رەتىندە پايدالانۋعا بولادى. تەك جارناما ارقىلى ەمەسپاراقشالارعا ادام تارتۋ، سايتپەن ءبولىسۋ، كومپانيالارعا اقىلى قىزمەت كورسەتۋ سىندى جولدارمەن تابىس تابۋعا بولادى.
ەءلىمىزدىڭ باسشىسى, پرەزيدەنت قاسىم-جومارت توقاەۆتان باستاپ قوعام بەلسەندىلەرى ساياسي ماسەلەردى وسى جەلىلەردە جاريالاپ,كۇندەلىكتى جازبا قالدىرىپ وتىرادى.ەلىمىزدىڭ ەكىنشى پرەزيدەنتى حالىققا ارنالعان قىسقا ۇنەدەۋ مەن وزىندىك ويلارىن «Twitter-دە» ءبولىسىپ وتىرادى. وسى جەلى ارقىلى حالىققا دا جاقىن ءارى كەرى بايلانىستىڭ بار ەكەنىن كورسەتىپ ءجۇر. ماڭىزى بار جەلىلەر دە وتىرۋدى باستى نازاردا ۇستايىق. «بەس ساۋساق بىردەي ەمەس» دەمەكشى، بۇل جونىندە اركىم ارقالاي وي وربىتەر. ەڭ باستىسى جالعان الەمگە الدانباي پايدالى ىسپەن اينالىسۋ باستى نازاردا ەكەنىن ۇمىتپايىق.
ينديرا ءبىرجانسال،
«ادىرنا» ۇلتتىق پورتالى
